Детската искреност е една од најголемите убавини во животот. Таа некогаш знае да нe разнежни, а друг пат да нe насмее до солзи. Второто го докажува и цртежот на 6-годишното девојче, кое благодарение на социјалните мрежи стана вистински хит

Имено, еден анонимен корисник на Imgur објавил фотографија од цртеж со опис: “Шестгодишната ќерка на мојата пријателка го нацртала ова на училиште”, а истата во рок од една недела молскавично се прошири низ социјалните мрежи и собра повеќе од 2 милиони прегледи. 

Виралната фотографија ја прикажува мајката на девојчето во две фази: кога ќе стане од спиење и непосредно пред да излезе од дома. Иако се работи за интересната ликовна техника на малото девојче, јасна е разликата помеѓу природниот изглед на мајката рано наутро, и оној пред да излезе од дома, во кој таа има добра фризура и шминка и уредна облека.

Повеќето коментатoри на социјалните мрежи биле воодушевени од детската искреност, но некои и се запрашале зошто им се даваат вакви задачи на децата во училиште.