Елена Наумовска: Брзо растете мили мои
1.12.2020
Како вчера да беше кога прв пат те зедов во прегратка со треперење на рацете од страв да не те повредам бидејќи беше толку мала и нежна, баш како што е дада Бисера сега,како што беше и дада Калина...
Денес си голема девојка која умешно и помага на мама за готвење, чистење па дури и обврските околу бебето.
Ќе растете, ќе пораснете во девојки, во жени кои ќе имаат свои деца, души на моите души, и тоа ќе се случи токму пред моите очи. Тие ќе го гледаат тоа, за нив ќе пораснете, ама знаете што? За срцето секогаш ќе останете кревки и нежни бебенца од 3 килограми. Ќе го гледам уморот во вашите очи, подочњаците до стомак,а стомакот приказна за себе после породувањето, со вишок килограми, желба за малку повеќе сон, ама ќе бидам среќна затоа што сте го создале она највредното со оној вистинскиот, семејството.
И мама некогаш била таква ќе ви кажам, затоа вие денес стоите цврсто со ваше бебе во рацете. И тогаш ќе барате моја помош, како и секогаш ќе ја имате бидејќи мама е тука за вас, сега, утре, за неколку месеци, години,секогаш, ЗАСЕКОГАШ!
