Блог: Мамо кога ќе пораснеме?
13.7.2021
Многу пати децата знаат да посакат некои работи или да направат нешто а што не е за деца. Често им викам,тоа мама ќе го правиш кога ќе пораснеш
И изгледа од толку многу "забранети" работи им се брза да пораснат.
Мамо кога ќе пораснеме?
Би сакала да можам да и одговорам на начин на кој ќе ме разбере дете од 3 и 4 годишна возраст, ама сепак е тешко децата да го разберат светот на возрасните.
Не брзајте да пораснете мили деца.
Живеете во најубавите години од вашиот живот. Немате никакви гревови, немате грижа на совест, немате проблеми, немате обврска да идете на работа, да направите ручек, да исчистете дома...
Единствена ваша грижа и болка е кога ќе го удрите коленцето при играње со другарчињата во двор.
Вашата среќа се малите работи, многу играчки, многу деца и голем двор за играње.
Вашиот единствен проблем ви е зошто баш сега розевото фустанче или маичката со Бетмен е за перење и не можеш да ја/го облечеш во моментот кога ќе посакаш.
Вие сте најсреќните и најчистите суштества во овој период од животот, не брзајте да пораснете бидејќи кога ќе пораснете ќе сакате да бидете деца!
Уживајте во детството!
