|
Viktori -> RE: Хемороиди (18.9.2011 11:22:38)
|
ИЗВОРНА ПОРАКА: blond
А што се всушност хемороидите?
Хемороидите се проширени, но нормално присутни крвни садови во и околу анусот и долниот дел на ректумот, кои се прошируваат под притисок, слично како и проширените вени на нозете. Најчеста причина за настанување на хемороидите е напрегнувањето при дефекација, а може да се јават и поради бременост, наследност, старост, хроничниот запек, проливи, долготрајното седење, анални ифекции и друго.
Хемороидите може да бидат надворешни и внатрешни. Внатрешните настануваат во близина на почетокот на аналниот канал, а надворешните на аналниот отвор. Внатрешните хемороиди потекнуваат од внатрешниот венски хемороидален сплет, во горниот дел на аналниот канал и ректум. Тие се зголемуваат, ја зафаќаат кожата прекриена со долниот дел на аналниот канал и заедно сочинуваат видлив надворешен хемороидален венски сплет.
Хемороидите се доста чести и кај жените и кај мажите. Половина од популацијата над 50-тина години има хемороиди. Зачестеноста на оваа болест е 2 на 1000 луѓе. Хемороидите се посебно чести кај бремените жени. Притисокот на плодот на таа регија, хормонските промени, како и самиот плод предизвикуваат зголемување на хемороидалните крвни садови. Кај повеќето жени кои имаат хемороиди поврзани со бременоста, станува збор за привремен проблем.
Клиничка слика
На почетокот и на крајот на дефекацијата можна е појава на безболно светлоцрвено крвавење. Крвта се наоѓа на изметот, но не е помешана со него. Чест е пролапс на хемороидите при дефекацијата, кој може да остане трајно. Некогаш симптомите не се присутни. Симптомите на внатрешните хемороиди се: столица прекриена со светла крв, крв на тоалетната хартија или на WC-шолјата. Меѓутоа, внатрешните хемороиди може да излезат од анусот и тогаш може да бидат болни. Симптомите на надворешните хемороиди вклучуваат болка околу анусот и подрачјето околу аналниот отвор е хипер-чувствително. Се јавува постојано чувство на јадеж на кожата и веќе споменатата болка.
Дијагноза
Внимателниот преглед и правилната дијагноза се важни при секое крварење од ректумот или наод на крв во столицата. Крварењето може да биде симптом на други посериозни болести на гастроинтестиналниот систем, како на пример тумори на дебелото црево. Ректалниот преглед често е доволен за дијагноза. Во пределот на анусот се наоѓаат отечени крвни садови, а и потребно е докторот да направи дигиторектален преглед (ректално туше), на кој начин се детектираат абнормалности. Испитувањата кои понекогаш треба да се направат заради подобра визуелизација на подрачјето се: аноскопија (преглед со инструмент за визуелизација на внатрешноста на анусот) и проктоскопија (преглед на целиот ректум).
Терапија
Благите случаи на хемороиди може да се лекуваат со конзумирање на поголеми количини на течности и исхрана богата со витамини. Хемороидалните креми и чепчиња може да помогнат во намалувањето на отокот и болката. Корисни се и купки во топла када. Понекогаш состојбата побарува и хируршка интервенција. Во лекувањето се применува и ласерска коагулација на хемороидите.
Компликации
Како последица на продолжено крварење може да настапи анемија поради недостаток на железо.
Превенција
Можно е да се превенира повторното појавување на хемороидите, со промена на стилот на живеење, во смисла промена на исхраната (повеќе фибри – овошје и зеленчук) и внес на поголеми количини на течности (2 литри на ден).
Виа За Здравје
|
|
|
|