/11 /11

Тестот е позитивен. Насмевката не паѓа од лицето, но веднаш се поставува главното прашање: Што сега? Ова е моментот кога сте свесни дека нешто треба да се направи сега, но не сте сигурни од каде и како да започнете. Затоа, предлагаме 15 чекори што треба да ги преземете кога ќе откриете дека сте бремени.

1. Посетете лекар

Ако го направивте тестот дома или ви доцни вашиот период, не заборавајте да посетите лекар. Тој ќе ја потврди бременоста, но и ќе ви ги каже следните чекори кога станува збор за прегледи и следење на бременоста.

2. Пијте вода

Важно е да пиете што е можно повеќе вода за време на бременоста. Лекарите сугерираат најмалку 8 до 10 чаши на ден. Целта е вие ??и вашето бебе да бидете доволно хидрирани. Ова ќе помогне при запек, но и за подвижност на зглобовите. Ќе знаете дека пиете доволно вода кога бојата на урината ви е бледо жолта. Секогаш можете да разговарате со вашиот лекар за внес на течности.

3. Здрава исхрана

Што вклучува тоа? Бидете сигурни дека вашата исхрана е богата со протеини, хранливи материи, овошје и зеленчук. Не започнувајте најразлични диети. И најдобро е да се зборува за ова со лекар.

4. Вежба

Во повеќето случаи, ако досега вежбавте, можете да продолжите со тоа, но секако внимателно. Ако не тренирате, пешачењето и некои едноставни вежби се исто така одлична рутина која му помага на здравјето на вашето бебе.

5. Објавете ги добрите вести

Сепак, многу жени одлучуваат да чекаат да помине првиот триместар, а дури потоа ќе ја објават добрата вест, затоа што тогаш се намалуваат шансите за спонтан абортус. Исто така, разбирливо е дека оние што долго време се борат со неплодност, сега имаат желба да го одложат објавувањето на вестите. Секогаш е најдобро да ги споделувате вестите со другите кога се чувствувате добро.

6. Поддршка

Сосема разбирливо е да поставите безброј прашања. Понекогаш докторот нема да биде таму, но имате семејство и пријатели како најдобра поддршка. Тие можат да ги споделат своите искуства за истиот проблем или едноставно да бидат таму за да ве слушаат. Ова сигурно ќе ги намали стравовите и вознемиреноста.

7. Прочитајте

Прочитајте колку што можете повеќе и научете за сите промени што ве чекаат додека вашето бебе расте и се развива.

8. Буџет

Кога ќе дојде бебето, нема да имате време да подготвите буџет за сè. Напишете ги барем основите на хартија. Постојат такви работи што се купуваат еднаш, како што се количка, автомобилско седиште, транспортер, но има и такви што ќе ви требаат редовно, како што се пелени и облека.

9. План за раѓање

Планот и подготовките ќе ви помогнат да се чувствувате помирни и да го намалите стравот. Одлучете каде ќе раѓате и со кој доктор.

10. Педијатар

Добро е да се најде педијатар дури и пред раѓањето. Слушајте ги предлозите на пријателите и истражете кои се лекарите со добра репутација во вашата област. Важно е педијатарот да ги разбира вашите потреби и да биде доктор со кого ќе се чувствувате безбедно кога се грижите за бебето.

11. Дадилка

Дали планирате да ангажирате дадилка, или планирате градинка кога бебето ќе порасне? Без оглед какви се вашите избори, можете да размислите и да истражувате малку порано за сè.

12. Бебе производи

Што сакате да користите и кој од производите ги има најдобрите карактеристики? За време на бременоста, имате време да истражувате сè што ви треба - состав, цена, совети од пријатели, блогови, педијатар. Изберете на време она што сметате дека е најдобро за бебето.

13. Прифатете го вашето ново тело

Промените што се случуваат на вашето тело нема да бидат убави (вклучуваат гасови, зголемување на тежината, метален вкус во устата, гадење, вртоглавица). Сепак, имајте на ум - донесувате нов живот на светот. Сакајте го вашето тело и не се чувствувајте лошо во врска со промените што се случуваат.

14. Прифатете ги емоциите

Ќе бидете на вистински емоционален ролеркостер - од целосен мир до постојано плачење. Не плашете се. Прифатете ги промените на емоциите и научете да функционирате со нив.

15. Уживајте во бременоста

Сликајте, напишете дневник, запишете го вашето патување. Нека бременоста е незаборавен период, без оглед дали е прва или последна.