Васил Гавранлиев претставник за Евросонг 2021
20.1.2021
Изборот за песна на Евровизија 2021 година треба да биде 65-то издание на Евровизија. Натпреварот ќе се одржи во Ротердам, Холандија, по победата на земјата на натпреварот во 2019 година со песната „Аркада“ од Данкан Лоренс
Минатогодишниот претставник останува непроменет и годинава.
Васил Гавранлиев ќе н? претставува и годинава.
"Втора година по ред со прекрасен почеток и покана од МРТВ.
Ретко кој добива една, а не три шанси да го реализира својот сон. Во ‘19-та застанав ГОРДО позади нашата Тамара, ‘20-та ја посветив на сите ВАС, но Ковид рече не! Во ‘21-та ја користам мојата животна приказна, за да ви го подарам срцето на дланка преку мојот глас.
До сите сонувачи: верувај, сонувај и не се предавај! Вистината, трудот, енергијата, и чистата љубов СЕКОГАШ победуваат. Сите имаме своја ПриКазна и Патека која е наша СудБина, и време е ова темно и тешко секојдневие да го исполниме со светлина, љубов и чиста енергија.
Огромно благодарам до МРТВ која и понатаму верува во мене и ми ја дава одговорноста и можноста да бидам нашиот, македонски преставник годинава на Евровизија во Ротердам.
Верувам. Ве сакам. К?е пеам за сите вас ама и вие да запеете со мене!
Со душа чекам да ги споделам со вас нашите планови како македонски тим за Евровизија 2021. " - напиша на својот фејсбук профил Васил.
Македонската Радио Телевизија објави отворен повик до автори и музички продуценти од земјава и странство за избор на оригинална, необјавена, современа, авторска композиција, којашто ќе биде изведена на Изборот за Песна на Евровизија, 2021 во Ротердам, Холандија.
"Со цел квалитетно и достоинствено претставување на МРТ и Северна Македонија на најпрестижното музичко натпреварување во Европа, Избор за Песна на Евровизија, Македонската Радио Телевизија како носител на лиценцата, ги повикува сите еминенти, но и млади автори да ги испратат своите креативни музички дела и на тој начин да ја зголемат конкуренцијата во селекцијата на песната, којашто Васил Гарванлиев, како македонски претставник, ќе ја изведе на 65-тото издание на Изборот за Песна на Евровизија 202, во Ротердам, Холандија.
Демо снимката со максимално времетраење до 3 минути, според евровизиските пропозициите треба да е квалитетно изработена, со разбирлива вокална линија и хармонија.
Демо снимката може да се испрати на следната е-маил адреса: eurosong.macedonia@gmail.com
Отворениот повик трае до 27.01.2021 година."
