Поддржуваме мали бизниси: Handmade chocolate bars
Запознајте ја Јана Јовановска, креативката која, покрај примарната професија дипломиран професор по англиски јазик, меѓу другото, наоѓа време и за инспирација и создавање на преслатки чоколадни задоволства
Водена од мотото: "Ако можеш да го сонуваш, можеш да го направиш тоа", Јана го живее својот сон.
Рингераја: Креатор си на интересен мал бизнис - персонализирани чоколади. Како се роди ова твое чедо?
Јана: Идејата за изработка на вакви чоколатца започна уште во 2015 година,кога си бирав нешто уникатно за мојата свадба. Оттогаш изработував само за најблиските и со тек на времето си го направив и профилот на Инстаграм.
Јана: Најпрвин беше предизвик, бидејќи не сум единствена која изработува персонализирани рачни изработки. Поддршката од фамилијата и од пријателите и честите пораки кои ги добивав од клиентите како се задоволни со изработките ме бодреа и даваа поттик да не се откажам.
Рингераја: Како изгледа твојот работен процес, како се одвива една нарачка од замисла на клиентот до крајната реализација?
Јана: Целиот процес на изработка започнува од желбата на клиентот. Тој добива неколку примери изработени од мене. Откако ќе добијам одобрение дека тоа е тоа што го сакаат, одат на процесот изработка (печатење... сечење... лепење и испорака).
Рингераја: Што с? може да се нарача, какви производи нудиш?
Јана: Најчесто тоа се млечни чоколатца персонализирани според ваша желба. Но не значи дека само тоа. Имав нарачка за чоколатца без глутен, исто така и нарачка за посни чоколатца.
Рингераја: Која нарачка би ја издвоила како најголем предизвик?
Јана: Секоја нарачка е предизвик, една идеја да јa претвориш во реалност. Од "сакам вакви" до "баш таква ми беше замислата".
Јана: Инспирација се задоволните клиенти, пораките од типот" Преслатки се, се гледаме за следна нарачка" и " Здраво, пак јас, сакам да нарачам..." .
Мотивација и помош имам од мојата фамилија.
Рингераја: Гледајќи од првиот момент кога ова ти беше само замисла па се до денешните достигнувања, што би рекла, каде се наоѓаш? Би сменила нешто?
Јана: Сиве овие години константно се надоградувам и ја надополнувам понудата.
Рингераја: Планови за иднината?
Јана: Планови за во иднина немам. Еднаш решив да планирам, 2020 година се појави корона. Ќе продолжам со изработувањето на чоколадни задоволства и водењето на профилот напоредно со мојата професија.
Рингераја: Препорака за сите оние кои размислуваат за сопствен бизнис?
Јана: Препораката би била: Не се двоумете...If you can dream it, ypou can do it!
За сите пригоди, а особено сега, во пресрет на Велигденските празници, израдувајте ги вашите најмили со најуникатните најслатки чоколадни задоволства!
Јана со задоволство ќе ја реализира вашата замисла.