Кога зборуваме за плодност, често прво помислуваме на хормони и медицински испитувања.

Но, она што го внесуваме во телото секој ден, храната игра клучна улога во способноста на телото да зачне и поддржи здрава бременост. Без разлика дали се обидувате да забремените природно или со медицинска помош, исхраната е ваш сојузник.

Еве ги најдобрите намирници за природно поттикнување на плодноста, и за жени и за мажи.

 

1. Јајцата се моќен извор на протеини и холин

Јајцата се богати со протеини, витамини од Б групата, железо и холин, нутриент важен за здрав развој на фетусот уште од самиот почеток. Јајцето со жолчка е особено вредно бидејќи содржи антиоксиданси како лутеин.

 

2. Бобинки како антиоксиданс бомба

Боровинки, капини, малини се преполни со антиоксиданси, кои ги неутрализираат слободните радикали и го штитат репродуктивниот систем. Помагаат и во зајакнување на имунитетот, што е од суштинско значење за здраво зачнување.

 

3. Лиснат зеленчук богат со фолна киселина и железо

Спанаќот, кељот, блитвата и другите зелени лисја се богати со фолати, кои играат клучна улога во спречување на дефекти на невралната цевка кај фетусот. Исто така, тие содржат железо и калциум, неопходни за репродуктивното здравје.

 

4. Масна риба богата омега-3 за хормонска рамнотежа

Лососот, скушата и сардините содржат високи дози омега-3 масни киселини, кои го подобруваат протокот на крв до репродуктивните органи и ја регулираат овулацијата. Избегнувајте риби со висок ниво на жива, како туна и сабјарка.

 

5. Ореви и семиња содржат цинк, витамин Е и селен

Оревите, бадемите, семките од тиква и сончоглед се богати со здрави масти, витамин Е, цинк и селен, минерали поврзани со квалитет на сперма и јајце-клетки. Тие го поддржуваат хормоналниот баланс и го намалуваат воспалението.

 

6. Полномасни млечни производи

Истражувањата покажуваат дека умерена консумација на полномасно млеко, јогурт или сирење може да биде поволна за женската овулација, за разлика од нискомаслените алтернативи. Секако, с? со умереност.

 

7. Мешунките се богати со растителни протеини

Гравот, леќата и наутот се одличен извор на железо, растителни протеини и фибер. Тие можат да помогнат во регулирање на инсулинските нивоа и го подобруваат менструалниот циклус, особено кај жени со ПКОС.

 

8. Цитрусно овошје богато со витамин Ц и фолна киселина

Портокалите, лимоните и грејпфрутот не само што освежуваат, туку се и богат извор на витамин Ц, кој го зголемува квалитетот на сперма кај мажите и помага во апсорпцијата на железо кај жените.

 

9. Авокадото содржи здрава маст за здрава овулација

Авокадото е полн со мононезаситени масти, фолати и витамин К, кои ја поддржуваат хормоналната рамнотежа, квалитетот на јајце-клетките и здравјето на матката.

 

10. Водате е наједноставен сојузник

Иако не е „намирница“, хидратацијата е клучна. Водата помага во транспортирање на хормони, храна и кислород низ телото и во создавање на квалитетна цервикална слуз, неопходна за зачнување.

 

Плодноста не зависи само од годините и генетиката. Храната исто така е фактор кој можете да го контролирате. Со избалансирана и нутритивно богата исхрана, не само што го поддржувате своето тело во подготовка за бременост, туку и ги зголемувате шансите за успешно зачнување. Консултирајте се со нутриционист или гинеколог за персонализиран пристап.