Автоседиштата за бебиња содржат два пати повеќе бактерии од WC школката, бидејќи возачите ретко наоѓаат време за темелно да ги исчистат своите автомобили

Малкумина ќе помислат дека после ташните, компјутерските тастатури и мобилните телефони, седиштата за врзување на децата во колите можат да бидат легло на бактерии – поопасни дури и од WC школката.

Студијата е спроведена од група научници од Универзитетот во Бирмингем. Тие анализирале 20 седишта под микроскоп и откриле околу 100 бактерии и разни гливички по квадратен сантиметар.

За споредба, истражувачите ја спровеле истата анализа на WC школките на кои нашле, во просек, по 50 бактерии на квадратен сантиметар.

Бактериите на автоседиштата не се само побројни туку припаѓаат на многу поопасна група, бидејќи можат да предизвикаат потешки заболувања. Посебно се издвоени ешерихија коли и салмонела, која предизвикува дијареја, висока температура и инфекции. Први на удар се децата, чиј имун систем е многу почувствителен отколку на возрасните, предупредуваат научниците.

“Луѓето генерално не се свесни за опасностите кои доаѓаат од нивните валкани автомобили”, објасни за лондонскиот весник лидерот на студијата Марк Грифитс.

За  да ги избегнат овие бактерии, возачите треба редовно да ги чистат автомобилите и седиштата, одвнатре и однадвор, на секои 15 денови, додаде Марк Грифитс.

Извор