Како прво обележје на Македонија а што треба да се случи во јули за време на Петровден е Галичката свадба.
Галичката Свадба или Петровденската Галичка (Се одржува секоја година на Петровден 12 јули) свадба е богата со многу оригинални, единствени и неповторливи свадбарски обичаи и ритуали. Во деновите на свадбата, пиштат зурлите и ечат тапаните „од Галичник до Река“, со сиот подземен и надземен екот кон каменот на Бистра и небесниот свод. Тие придружници на печалбарите на овој крај на Македонија, секогаш ја најавуваат Галичката свадба која е со најмногу сватови. Галичката Свадба во своето опстојување придонела да се негуваат единствените свадбарски обичаи и ритуали, на жителите од овој крај, да се сочувааат изворните песни, ора, и надалеку познатата галичка носија-изработена со филигранска прецизност и точност на терзиите. Секоја година посебна комисија избира двајца млади кои ќе се венчаат на Галичката свадба. Еден од предусловите е барем еден од младите да потекнува од Галично семејство.
Обичаи
Секоја година за време на Галичката свадба, се почитуваат голем број на обичаи кои ја карактеризираат оваа свадба: чекањето на тапаните, свекрвино оро, носењето на невестата на вода, поставувањето на свадбарскиот бајрак, канењето на мртвите, бричењето на зетот, земањето на невестата, замесувањето на лебот, венчавањето во црквата „Св. Петар и Павле”, и други обичаи, кои полека изумираат но кои во себе содржат и кријат многу детали од животот на Галичанецот во минатото.


< Поракaта ја уредил jovanka -- 9.7.2010 23:32:20 >

_____________________________

Zivotot e podarok a podarocite se za da se raduvame.

_____________________________

Zivotot e podarok a podarocite se za da se raduvame.

ме воодушеви Јованка со убавиот пост!
Срцето ми заигрува од гордост! Немам ништо галичко во гените, ама... како би отишла таму сега!
Братучетка ми е ороводец од „Кочо Рацин“, сега, таму. Ќе ја замолам кога ќе се врати да стави слики тука.

Фестивалот Охридско лето е основан во 1961 година. Првиот официјален фестивалски настан е концертот на оперската пеачка Ана Липша Тофовиќ на ден 4 август 1961 год.
Фестивалот се одржува секоја година во традиционалниот термин 12 јули-20 август. Фестивалот го финансира Министерството за култура на Република Македонија и спонзори од кои дел припаѓаат на Клубот на пријатели на Фестивалот. Покровител на Фестивалот е Претстадателот на Република Македонија.
Од 1994 год. Фестивалот е редовен член на Европската асоцијација на Фестивалите.
Во текот на изминативе 48 години, на Охридско лето настапиле многу домашни и странски музички уметници и музички и театарски ансамбли, а меѓу нив и прочуените светски имиња како: Зубин Мехта, Хозе Карерас, Енио Мориконе, Мстислав Ростопович, Џеси Норман, Викторија де Лос Анџелес, Гидеон Кремер, Максим Венгеров, Вадим Репин, Џулијан Рахлин, Хенрик Шеринг, Елена Обраскова, Катја Ричарели и др.
Големиот, односно, Златниот јубилеј секако дека ке претставува посебен предизвик за Фестивалот и луѓето што го организираат заедно со финансиерите, пред  се Министерството за култура на Република Македонија и сите други помагатели и пријатели, за да се реализира досега најквалитетното издание што ќе соодветствува на рангот и реномето на овој фестивал, а со тоа и достоинствено да ги презентира и уште еднаш ги потврди високите културни вредности на нашата држава, Европа и светот. Со особено задоволство Ве покануваме и ова лето да дојдете во Охрид и од 12 јули до 20 август заеднички да уживаме во прекрасната и чудесна магија наречена Фестивал „Охридско Лето“.


< Поракaта ја уредил jovanka -- 11.7.2010 1:02:28 >

_____________________________

Zivotot e podarok a podarocite se za da se raduvame.

12 Јули 2010  19:00 ч