|
AnnaMolly RR -> RE: Родителска средба (во градинка) (20.9.2012 9:52:59)
|
Вчера бев на родителска и сум презадоволна од воспитувачките, од занималната, од програмата што ја имаат и од се! Се почувствував како да сум во некоја установа по светски рамки.
Воспитувачките се одлични, немам зборови. Ни ја објаснија програмата и редот на градинката, ни раскажаа како им поминува еден ден во градинка. И ние потпишавме дозвола за фотографирање и прошетки надвор од градинката.
Не прошетаа наоколу, видовме какви им се тоалетите, каде ги шетаат во градинката.
Пријатно се изненадив дека секое дете си има своја постелина со свое име и презиме и дека не ги мешаат. Ги переле постелините од секоја група посебно за да нема мешање со другите групи.
Секој месец им вршеле систематски со мерење тежина и висина, вид, слух и се по ред. Ги учеле сами да јадат и имале голем напредок, ни рекоа и ние дома сами да им даваме да јадат.
За секое дете ни кажаа по нешто.
За Филип ме пофалија дека само тој и уште две деца биле целосно одвикнати од пелени, на другите им рекоа да почнат со одвикнување. Ми рекоа дека најмногу зборувал од сите, дека никој не стигнувал да каже нешто од него. Учителката вика дека зборувал повеќе и од неа. Вика „Јас сум муабетџика по природа, ама Филип не можам да го надзборам“. [sm=jezicek.gif]
Една мајка праша дали си играат заедно дечињата или секој си тера по свое и воспитувачката рече дека сите си играат посебно, освен мојов швалер што си играл исклучиво со три девојчиња. Воспитувачката вика „имаме еден клан од четири деца што се неразделни, Филип и три девојчиња цело време се фатени за раче и цело време заедно си играат, дури и еден до друг сакаат да спијат“ [sm=jezicek.gif][sm=jezicek.gif][sm=jezicek.gif]
Се изнапишував, ама многу убаво си поминав, воодушевена сум од се и морав да споделам.
|
|
|
|