|
Еца -> RE: Македонска енциклопедија (16.9.2009 23:46:00)
|
Македонската академија на науките и уметностите денеска свечено ја промовираше двотомната општа Македонска енциклопедија.
Една од нејзините карактеристики, со оглед на фактот што оваа енциклопедија на МАНУ го носи предзнакот 'Прва македонска и национална', мораше историските факти да ги ослободи од туѓи влијанија и научно да ги преведува, беше речено на промоцијата.
„Македонската енциклопедија мораше да ослободи бројни историски факти од туѓите историски наслојки и со нивното научно превреднување, да ги постави темелите на едно автентично изворно македонско гледиште", вели Георги Старделов, претседател на МАНУ.
Потпретседателот на Ману Владо Камбовски рече дека книгата не е за делби и спорења.
„Со целиот свој текст, со секоја своја одредница таа се однесува на спротивното - на хармонија, толеранција, заедништво."
Беседа за Македонската енциклопедија одржа и академик Гане Тодоровски.
Енциклопедијата се подготвуваше 10-тина години, ја следеа и финансиски скандали, одлуката од повеќетомна да се претвори во двотомна била донесена 2005 година. На неа работеле 24 редакции и вкупно 266 автори. Главен редактор е академик Блаже Ристоски.
„На овие 1.671 енциклопедиски страници, преку 9.000 одредници придружени со околу 5.000 илустрации, се обидовме да направиме една сублимација на медиумскиот развој на нашата земја и цивилизациските епохи во историскиот од на еден народ", рече академик Блаже Ристоски.
„Тоа се милионски синтетизирани податоци, факти и аргументи за легитимитетот на Македонија во историјата и во современоста", додаде Ристоски.
Премиерот Груевски очекува Македонската енциклопедија наскоро да излезе и на англиски јазик.
„Овој проект можеби не е приказ на целокупниот живот и развиток на Македонија, но ова дело автентично го скенира македонското гледиште за културното и национално политичко минато и сегашност и претендира да стане објективна, интегрална информација за нас и нашата земја", изјави премиерот Груевски.
МАНУ продолжува да работи на повеќетомната општа Македонска
извор А1
|
|
|
|