|
AnnaMolly RR -> Собир по повод Европскиот ден на јазиците (21.9.2011 15:17:51)
|
Во недела, на 25 септември 2011 година, со почеток од 11 часот, во Македонија за прв пат ќе се одбележи Европскиот ден на јазиците. Место - Школка во Градскиот парк.
Целта на овој настан е да се поттикнат децата да учат странски јазици. Денот ќе биде исполнет со многу музика, игра и забава, а на настанот ќе присуствуваат Амбасадите и Културните Центри на Германија, Италија, Франција, Словенија, Хрватска, Холандија, Турција и Институтот за македонски јазик кои ќе ги промовираат своите јазици. Ќе присуствуваат и Министерката за култура на РМ, г-ѓа Елизабета Канческа-Милевска, г. Роберт Лидл, Шеф на делегацијата на Европската Унија.
Британскиот совет е одговорен за промоција на англискиот јазик и во состав на сопствениот штанд ќе додели дипломи по англиски јазик од реномираниот Универзитет во Кембриџ.
Низ игрите и забавата ќе не води нашиот познат пејач Влатко Илиевски, а се разбира, на секој штанд ќе има и претставници од нашата Рингераја кои ќе бидат присутни за да го збогатат и да го поддржат овој настан.
Ве повикувам да дојдете и да се дружиме, да ги видиме победниците на ликовниот натпревар Learn English Kids и заедно да поминеме уште еден ден во пријатна атмосфера.
ТУКА може да го видите распоредот на настаните за Европскиот ден на јазиците.
Зборуваме на различен јазик, но сите играме, пееме и се радуваме на детството!
|
|
|
|