|
Палешка РР -> RE: Доење (24.5.2010 16:17:47)
|
Децата кои што се дојат подолго од шест месеци можеби се изложени на помал ризик од појавување на проблеми со менталното здравје во подоцнежните години од животот. Ова го препорачуваат австралиските експерти од институтот за истражување на здравјето на децата Телетон во Перт, Австралија.
Доењето им помага на бебињата полесно да се справат со стресот и претставува знак на поголема поврзаност помеѓу мајката и детето. Овие предности би можеле да имаат трајно позитивно дејство, нагласуваат стручњаците.
Во истражувањето биле вклучени 3 000 деца. Менталното здравје на децата е испитувано во втората, петтата, осмата, деветтата и четиринаесеттата година од животот.
Единаесет проценти од децата никогаш не биле доени, 38% биле доени помалку од шест месеци, додека 51% биле доени шест месеци или повеќе. Мајките кои ги доеле децата помалку од шест месеци во просек биле млади, помалку образовани, посиромашни и под влијание на поголем стрес, а исто така процентот на пушачи меѓу нив бил поголем во однос на оние мајки кои што можеле да дојат подолго време.
Помеѓу тие жени, забележан е и поголем процент на постпородилна депресија, додека кај нивните деца забележан е и поголем процент на проблеми со растот, во однос на оние деца кои што се доени најмалку шест месеци.
При секоја проценка на менталното здравје на пратените деца, приметено е дека оние деца кои што помалку биле доени, покажувале полошо однесување. Разликите помеѓу помалку и повеќе доените деца се забележале како и во пореметувањата каде што децата имаат негативен став спрема себе (депресија), така и во пореметувањата каде што негативниот став се насочува кон надворешната средина (агресивност).
Со секој месец на продолжено доење, забележано е се подобро ментално здравје понатаму во годините. Влијанието на должината на доењето на подоцнежното ментално здравје не е намалено ни ако се земат во предвид и дополнителните фактори – друштвени, економски и психолошки, како и случувањата кои што го имаат обележено раниот живот на пратените деца.
Заклучукот е дека настојувањето на што подолго доење може да биде со долгорочни придобивки во однос на менталното здравје на децата и адолесцентите.
Izvor: Zazdravje
|
|
|
|