|
Палешка РР -> RE: Доење (14.1.2010 19:31:31)
|
Доење
Мајката е природа. Детето е природа откинато од неа. За таа малечка како мравка природа, мајката е способна да прави чуда. Доењето има исклучително влијание во создавањето на приврзаноста меѓу мајката и детето. Ставајќи го своето бебе на градата, мајката му ја предава сета љубов, го допира нежно и го гали. Тоа се чувствува сигурно во нејзината прегратка. А вкусот на мајчиното млеко е добриот вкус на храната, преку кој ова малечко битие го запознава светот, природата, мајка си - така стекнува доверба во животот, позиција која укажува на тоа дека постои изградена приврзаност (дечињата кои гледаат позитивно, ведро, оптимистички на животот, се деца кои изградиле сигурна приврзаност. Имајќи доверба во својата мајка, којашто доверба самата мајка направила да ја придобијат, тие деца имаат доверба во светот, во животот, т.е. успеале да ја проектираат во овој поширок аспект, благодарение повторно на својата мама).
Затоа да кажеме нешто повеќе околу природната исхрана - доењето, за тоа колку таа е важна за бебето но и за мајката. Под природна исхрана се подразбира исхрана на мајчината града т.е. доење. Комплетната врска мајка - дете се прекинува со пресекување на папочната врвца, но сега оваа врска поприма нова форма. Бебето и понатаму е зависно од својата мајка и тоа преку мајчиното млеко. Затоа мајчиното млеко претставува премин од интраутериска исхрана кон исхрана за возрасни. Поимите „природна“ и „вештачка“ исхрана се однесуваат на првите шест месеци од животот на новороденчето. Во овој период доењето е единствената храна која идеално одговара на потребите на бебето. После 6-от месец мајката треба да продолжи со доењето, значи доењето останува но и да воведе нови намирници затоа што после овој период доењето не може само да ги задоволи квалитативните и квантитативните потреби во исхраната на бебето кое се развива.
|
|
|
|