|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.

Вистината за царскиот рез

Monet and Kelsey, 21.4.2015
Подготовката за царски рез не е прошетка во парк. Во многу случаи на партнерот не му е дозволено да биде во операционата сала
Клучни зборови:

image
/11


 

Како фотограф на породување, повикана сум да ги овековечам најважните стории во животот на семејството. Влегувам во нивниот простор за раѓање и ги документирам малите и големи неповторливи моменти. Ја раскажувам приказната за доаѓањето на свет на нивните синови и ќерки. Напорите, стравовите, болката и радоста.

Овие приказни се прекрасни.

Размислував и за мајките кои се породуваат со царски рез. Размислував за тие храбри жени кои ги раѓаат своите деца со толку сила и убавина.

Ве охрабрувам да направиме чекор напред и да ги прославиме трите вистини за мајките кои раѓаат со царски рез.

 

Мајките кои раѓаат со царски рез се храбри

Подготовката за царски рез не е прошетка во парк. Во многу случаи на партнерот не му е дозволено да биде во операционата сала. Тоа значи дека, додека докторите и сестрите се подготвуваат за операцијата, ставаат заштитна облека, подготвуваат инструменти, или разговараат што јаделе синоќа, мајката е сама во ладната операциона сала, прашувајќи се што ја чека – често исплашена и осамена.

И во овие моменти, мајката која раѓа со царски рез, мора да се потпре на љубовта која ја чувствува кон своето бебе. Таа дозволува да ја заплиска грижата, а потоа ја брка. Знае дека во овој момент, тоа е најдоброто за нејзиното дете, дури и кога тоа значи операција со вистински ножеви и лузни. Дури и кога најдоброто значи напуштање на сонот за природно раѓање, кој го сонуваше цели девет месеци.

Ако вие не сте родиле со царски рез, ве охрабрувам да се ставите на местото на мајката, на операциониот стол, чекајќи и плашејќи се...Ако го направивте тоа, за брзо ќе сфатите колку се храбри мајките кои раѓаат со царски рез.

 

Мајките кои раѓаат со царски рез се силни

Нема многу мајки кои ќе ви кажат дека царскиот рез е остварување на нивната визија за породувањето. Царскиот рез е медицинска неопходност во повеќето случаи.

Некои мајки имаат неколку недели за да се подготват психички за царскиот рез, но повеќето од нив имаат само неколку денови, часови или минути. Одеднаш, замислената средба со бебето се менува.  Нејзиниот план за породување е фрлен низ прозорец. Пред неа е операција. Таа не знае колку долго ќе треба да чека, пред  да го земе бебето во свои раце.

И тогаш почнува операцијата. Сечење и шиење. Целосното опоравување трае со месеци. И додека сите бараме интензивна нега по операција, гледаме филмови и јадеме во табла во кревет, мајките го прават толму спротивното. Тие го дојат бебето, го пресоблекуваат и деноноќно го гледаат тоа прекрасно бебе.

Емоционално и физички, овие жени се многу силни. И својата сила не ја покажуваат само на породување – силата мора да продолжи во деновите и месеците кои следат. Додека нивните тела не зацелат, тие плетат нови соништа со бебињата во своите раце.

 

Мајките кои раѓаат со царски рез се убави

Станувањето мајка остава лузни кај сите жени. Некои од нив се емоционални, а некои физички. Мајките кои раѓаат со царски рез, обично ги имаат и двете. Нивните лузни се потсетници за силата и храброста која ја имале, кога го носеле бебето на свет. Овие лузни биле врата преку која нивните деца напуштиле еден свет и влегле во друг.

 

Сум фотографирала лузни различни по дебелина, местоположба и големина. Секоја лузна е единствена и секоја раскажува различна приказна од породување. Ги фотографирам овие лузни одвреме-навреме за да документирам како зараснуваат, како се менуваат, како зацелуваат. Лузните се убави и вредни за славење. И додека нашите мајки ги покриваат со срам, на нас останува да ги охрабриме да му ги покажат лузните на сила и храброст на светот.

 

1

 

2

 

Преземено: ScaryMommy

Ти се допаѓа статијата? Кликни “Like” и додај свој коментар:

НЕ, за мобилниот во бременоста!
Спиете со мобилниот, а бремени сте? Се надеваме дека откакао ќе ја прочитате статијава, нештата ќе се променат...
4
Тања: Мојата породилна приказна
Моментот кога јас се претворив во „ние“ .
4
Анорексична трудница тешка само 25 кгр.
Иако за чудо останала бремена на 27 години, Кети, уплашена од новонастанатата ситуација, почнала да слабее. Толку ослабе...
4
Положила испит по психологија во породилна...
Постојат толку многу елементи кои можат некого да направат прекрасен родител
4




Анкета

Што да дознаете.
пеперутка16

Кога би носеле тројки, што би направиле?