|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.

Трудници, олеснете си ги летните горештини

zena.hr, 21.6.2010
Бидејќи летото календарски започна, ве советуваме што да сторите кога се потите за двајца

image
/11


Кој и да зборувал за тоа како бремените жени “сјаат” мора да бил машко. Ако сте прашале жена, таа ќе ви речела дека тоа е пот. Со доаѓањето на летото и покачувањето на температурите, бремените жени дупло ги чувствуваат лошите последици од топлото време.

На трудниците и онака им е нон-стоп жешко, без оглед на временските прилики. Телесната температура на секоја трудница е повисока од нормалната, предизвикана од зголемената работа на телото, заради бебето кое се развива. Ако на тоа ви додадеме и летни горештини, не е чудно што тешко издржувате.

Кога ви е жешко во летните месеци, лесно може да се случи да дехидрирате. Превисоките температури и дехидратацијата можат да бидат опасни за бремената жена и да предизвикаат некои опасни реакции: несвестица, болни грчеви во нозете, премореност проследена со жед, слабост, нервоза, заматен вид и збунетост и топлотен удар, многу опасна состојба во која телото не може да се разлади.

Бебето е многу чувствително на промените на мајчиниот крвен притисок. Кога ќе ви падне притисокот, крвта поспоро се движи и послабо ги снабдува материцата постелката и нормално бебето со хранливи продукти. Испитувањата покажаа дека жештината во сауна, или џакузи лошо влијае на развојот на бебето, а поврзана е и со дефекти на невралната туба (сериозни вродени дефекти кои вклучуваат непотполн развој на мозокот) па заради тоа треба да се биде внимателен со летните горештини.

За почеток облечете се во летна гардероба и исфрлете ја темната облека и материјалите кои не дишат. Избегнувајте хеланки во лето, бидејќи се направени од вештачки влакна како најлон и еластин. Облека од природни материјали, како памук и лен ќе ја спречи појавата на осип и ќе ви помогне да се чувствувате пријатно. Наместо темни бои на облека, одберете пастелни и светли бои.

Кога сте надвор заштитете ја вашата кожа со креми со висок заштитен фактор (SP 30 и повеќе) Во бременоста кожата може да постане осетлива, па затоа заштитете се добро. Кога можете, пронајдете место во ладовина.

Не напуштајте го домот без шишенце со вода, особено ако се потите. Освен вода пијте природни овошни сокови, млеко и спортски изотонични пијалаци, кои содржат електролити. Исто така ограничете го излегувањето надвор – прошетајте, или работете во дворот наутро или приквечер. Избегнувајте изложување на сонце меѓу 11 и 17 часот. Телото можете да го разладувате со ладни облоги кои ќе ги ставите на задниот дел на вратот, на челото, зглобовите и на главата. Ако вежбате, сторете го тоа во просторија со клима уред. Пливањето е совршена летна рекреација, бидејќи ви помага да се разладите и ви ја опушта половината и зглобовите. Ако немате базен во близина, можете да се разладите во када.

Дишењето е уште еден фактор кој помага при разладување. Со правилно дишење ја исфрлате топлината, затоа внимавајте на ритамот, да не биде ниту пребрз, ниту преспор.

Еден од проблемите од кои страдаат трудниците е отекувањето на рацете и нозете. За да ги ублажите овие потешкотии, легнете секој ден после ручек, или откако ќе се вратите од работа 30-60 минути и ставете ги нозете на повисоко. Обидете се и во текот на ноќта да ги држите нозете на повисоко. Носете удобни чевли и слободно земете еден број поголеми. Ако почувствувате дека ве стегаат прстените на рацете, извадете ги, за да избегнете ситуација во која ќе мора да ви го пресечат прстенот, за да ви го ослободат потечениот прст. Немојте предолго да стоите на исто место и избегнувајте тесна облека.

А како да се разладите во текот на ноќта? Освен клима уред, може да ви помогне и шише со ладна вода покрај креветот.

И после породувањето може да ве следи ова чувство на горештина дури до шест недели, затоа што нивото на хормони ви е сеуште високо, зголемен ви е волуменот на крвта, имате зголемени количини на течности и маснотии во телото.

Ви посакуваме лесна бременост!

 

Извор: www.zena.hr

Магично! Што се случува во телото на бреме...
Body paint артистот Marieke Crone, направи неверојатна визуелизација на тоа што се случува во телото на жената за време ...
6
Болести во бременоста
Настинка, кашлање и пролив, се не многу опасни болести, но многу трудници се прашуваат дали би можеле да му наштетат на ...
4
Свечени фустани за трудници
Да се избере фустан за свечена пригода не е воопшто лесно. Дополнителен проблем е ако сте во благословена состојба. А ко...
4
Мачнини
Како да ги намалите мачнините во бременоста? (англиско видео)
3


Ти се допаѓа статијата? Кликни “Like” и додај свој коментар:



Анкета

Изберете го најубавото име:
Sasha24

Изберете го најубавото име:

Елена (0%)

Емилија (0%)

Теодора (100%)


Број на сите гласови: 1

Фала на гласовите. Гласавте веќе на сите актуелни анкети. Можеш да направиш своја анкета!