/11 /11

Многу луѓе се на мислење дека последиците се поголеми и го опфаќаат целиот емоционален свет на паровите и го осудуваат на пропаст нивниот однос. Во центарот сепак е детето и неговите интереси. Ако се прашува жената, таа ќе избере да биде мајка и да посвети време на детето на домот  и на сопругот. Но кога се во прашање финансиите и обезбедувањето нормални услови за живот, нема  дилема – жената мора да работи.

Што ја прави мајката мајка ?

Ајде да видиме како стои прашањето со обврските. Постои мислење дека вештината да си родител (мајка) се појавува како "бонус" со раѓањето на детето. Ова, се разбира е многу далеку од вистината и секоја жена која родила тоа го знае. Доказ на прво место е целиот амбиент потребен околу една родилка. Се разбира никој не ја негира интуиција, инстиктот и силната врска меѓу мајката и детето. Тие, сепак не те прават родител. При појавата на бебето обврските на мајката се навистина многубројни и од најразновидните карактер - од грижата за физичкото преживување на бебето (која е доста обемна, одзема време и витална одговорност), во осмислување на воспитни модели, техники за стимулирање на развојот, до создавање на атмосфера и претворање на станот (куќата) во дом - место во кое детето ќе може да израсне целосно и среќно, сакано и згрижено и со семејството. Сето тоа се учи, но бара напор, упорност и чини многу нерви, солзи и стравови (и непроспиени ноќи) - исто како и која и да е друга професија, но со таа разлика што тука влогот е голем - иднината на детето и семејството. Во работата стремежот за напредок  е личен - сопствено усовршување (кариера, што носи некакви бенефиции). Кога зборуваме за професијата мајка, тогаш нема натпревар со останатите мајки, односно недостасува конкуренција, но целта е многу важна, бидејќи е поврзана со животот и среќата на друго човечко суштество. Одговорноста пред мајката е огромна, но се разбира е поделена во некоја мера и со таткото. Обврските кои се потребни за да се постигне оваа цел се навистина исклучително многу и бараат време, што една вработена жена ги нема. Дури и да одлучи да се прави суперхерој и да ги  усогласи двата фронтови  - резултатот не е ист бидејќи секогаш нешто ќе биде запоставено – работата  или семејство.

Дали жената е еднаква, ако не придонесува за семејниот буџет

Се разбира дека не е! Професијата мајка не е финансиски мерлива, бидејќи нејзината цел не е финансиска благосостојба. Но е животоважна професија, одзема време и е работа поврзана со емоции. Освен тоа не е на фиксно 8-часовно работно време. Како општество сме премногу материјално ориентирани и соодветно приоритет во вредностите се ни парите и она што тие го нудат. Предавајќи се на семејството, една жена не само што ја одржува куќата и го гледа детето, тоа создава атмосфера во домот - неопходна не само за детето, но и за неа самата и за таткото. Тоа е чекор кој се прави во насока на среќно семејство и благосостојбата на сите.

Мајчинството не е професија со која ќе се пензионирате

За разлика од секоја друга професија, онаа на мајката не продолжува 10, 20, 30 или 40 години, таа е засекогаш. Без разлика колку време поминува, потребата од неа не опаѓа. Во однос на тоа колку долго една жена може да не работи друго, тоа зависи од неа. За некои жени е една или неколку години, а за други - цел живот. Најважно во случајот е дека жената има право на избор и кога чувствува дека нема што повеќе да даде на семејството, од дома, тоа подобро за сите е да се пренасочи во друга област. Но овој избор треба да е свесен и по сопствена волја. Многу често, сепак правото на жената да биде мајка и е одземено од општеството и вредностите кои ги брани. Степенот до кој ова влијание се протега е голем и мајчинството е маргинализирана и жигосана професија која звучи "Лежи дома девет месеци".

Но, ако жената се прашува, таа секогаш ќе избере да биде МАЈКА!