Породување

/11 /11

Породувањето не е завршено кога бебето ќе се роди

Треба да ја породите уште плацентата, откако ќе го родите бебето, па немојте да бидете изненадени кога ќе ве натераат да напнете уште еднаш. За среќа, плацентата ќе излезе многу брзо, лесно и безболно.

Терминот за породување е преценет

Жените сакаат да го знаат терминот за породување за да чекорат кон него. Знаејќи го денот во кој ќе го донесат на свет долгоочекуваното бебе,  им помага да поминат низ деветте месеци. Како и да е, вистината е дека само 5% од жените се породуваат на терминот. Затоа немојте да бидете изненадени ако бебето не се држи до планот.

Ако имате епидурална анестезија не значи дека сте целосно вкочанети

Епидуралната анестезија е форма на сузбивање на болката, во долниот дел од телото на жената. Се администрира со игла во грбот на жената. Но тоа што имате епидурална анестезија, не значи и дека немате чувства. Известете го докторот ако ги чувствувате контракциите. Нормално е да не бидете целосно вкочанети, туку подобни за породување со минимална болка.

Не можете да јадете и да пиете со епидурална анестезија

Ова е недостатокот на епидуралната анестезија. Породувањето  одзема многу сила независно дали со епидурална или не, но кога тоа се прави на празен стомак е уште потешко. Изедете добар оброк пред да се упатите кон болницата, ако планирате да се породувате со епидурална.

Бебињата можат да изгледаат како да се прекриени со урда, кога ќе се родат

Не, кожата на вашето бебе нема секогаш да биде таква. Оваа прекриеност со бела материја почесто се гледа кај бебињата кои се родени пред 40 недела. Позната е како верникс, што претставува заштита на кожата на бебето додека е во материцата.

Бебињата може да имаат влакна по целото тело, не само на главата

Можно е вашето бебе да има влакна на рацете, рамената и грбот, кои можат да бидат прилично темни. Овие влакна исто така ќе отпаднат со тек на време.

Формата на главата на бебето ќе се промени

Ако се породувате вагинално, коските на главата на бебето ќе се компресираат , за да можат да поминат во породилниот канал. Тие нема веднаш потоа да добијат тркалезна форма. Всушност, формата на главата на бебето може да биде прилично конусна неколку дена. Овој ефект може да биде и полош ако се употреби вакуум за време на породувањето.

Папочето на бебето не заздравува веднаш

Папочето на бебето ќе биде врзано веднаш по породувањето, но ќе стои неколку денови, додека се исуши и падне. Тоа ќе биде малку крваво и со темна боја и воопшто не е симпатично.  Докторите ве советуваат да не го допирате. Послушајте ги.

Породувањето може да биде неверојатно искуство, но може да биде и неубаво искуство. Исто како што нема две исти мајки и бебиња, исто така не постојат две исти породувања.  Моментот во кој мислите дека знаете се за породувањето, е момент во кој не знаете ништо. Затоа не треба да се грижите што не сте експерт, само длабоко вдишете, бидете храбри и енергични и подгответе се за изненадувања.

Среќно!