Фото:Canva/Чувството дека сите околу тебе напредуваат, а ти стоиш во место додека се обидуваш да забремениш, може да биде болно и исцрпувачко. Ова искуство е почесто отколку што се зборува, а постојат чекори што можат да ти помогнат и емоционално и практично.

/11 /11

Ако се препознаваш, знај едно, не си сама. И ова што го чувствуваш е човечки, реално и валидно.

Првенствено дозволи си да чувствуваш

Љубомора, тага, лутина, празнина, вина што не си „доволно среќна“ за другите може да постои истовремено. И тоа не те прави лоша личност. Не мораш секогаш да бидеш силна.
Понекогаш е доволно само да бидеш искрена со себе.

Својата не ја споредувај со туѓите приказни

Она што го гледаш е резултат, не процес. Не ги гледаш солзите, стравовите, претходните загуби и медицинските борби.

Секое тело има свој ритам. Твојата приказна не доцни, само се одвива поинаку.

Фокусирај се на она што можеш да го контролираш

Иако не можеш да го контролираш исходот, можеш да влијаеш на процесот:

-        направи ги сите потребни лекарски прегледи,

-        информирај се за својот циклус и овулација,

-        грижи се за исхраната и сонот,

-        намали го стресот секогаш кога можеш.

Ова не е гаранција, но е чин на грижа за себе и тоа е важно.

Разговарај со блиски луѓе, не носи сè сама

Молчењето ја зголемува тежината. Избери луѓе што: не даваат банални совети не те тераат да се опуштиш и не минимизираат. Понекогаш разговор со психолог може да биде најздравиот чекор.

Постави граници и онлајн и офлајн

Дозволено е: да го исклучиш телефонот, да не одиш на baby shower ако не си подготвена и да не одговараш на прашања што болат

Поставувањето границите не се бегство од реалноста и околината, туку се за самозаштита.

Не го губи своето „јас“

Обидите за бременост можат тивко да го проголтаат целиот идентитет. Потсети се: која си надвор од ова, што те радува и што те исполнува. Ти не си „само жена што се обидува да забремени“. Ти си многу повеќе од тоа.

Верувај дека твоето време постои

Можеби не е сега. Можеби не е лесно. Но тоа не значи дека нема да биде. Некои патишта се подолги, но тоа не ги прави помалку вредни.

Кога сите околу тебе успеваат, а ти не, болката е реална. Но твојата вредност не се мери со позитивен тест. Ти си доволна и целосна и сега.

И ако денес единственото што можеш да направиш е да издржиш и тоа е доволно.