|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.

Како се сториле сонцето и ѕвездите

Детско катче, 16.1.2011
Народни преданија

image
/11


Уште кога не бил веков направен, Христос бил роден. Бидејќи бил малечок, се покрај Бога си одел и за облеката му се држел. Кај ќе одел Господ, сполај му, таму одел и Христос. Дури мака му било на Бога дека се по него одел малечкиот Христос.

- Не туку иди по мене чедо, седни си на земја, поиграј си нешто, како сите деца што си играат. - му рекол.

Кога чу тој збор Христос од Бога, веднаш му се тргнал од коленото и си седнал на земја да си поигра. Првата играчка му била да си копа земја со теслата и да си направи кал, а од калта си направил едночудо чудесни топчиња, па ги ставил на ѓерамидите да се сушат.

Одел, шетал Господ и наминал кај што му бил син му Христос, за да го види што прави. Кога го видел извалкан од калта во рацете и облеката, застанал да види што прави.

- Море, што така си се извалкал бре синко? Што е тоа кал што си направил пред тебе? - му рекол Бог

- Топчиња за играње си правам тато - му рекол Христос.

- Арно си ги направил топчињата бре чедо, ама што ќе ти се толку многу што правиш? - рекол Бог

- Ќе си ги фрлам угоре тате и ќе си играм со нив - рекол Христос

- Е лели така ќе си играл ај фрли ја онаа голема топка угоре да видиме дури каде ќе ја фрлиш?

Со голема радост Христос го послушал татка си, та ја грабнал големата топка и ја метнал вишно небо. По Божји благослов беше отишла топката многу далеку и застанала на едно место, та се сторила Сонце. На часот блеснала, а Христос си ги ставил двете раце на очите за да му се земи зракот од сонцето.

- Еј синче, виде како ти ја направив големата топка да свети како сонце? Ај расфрли ги сите топчиња угоре за и тие како неа да се направат.

- Ќе ги фрлам тате, сите, ама те молам да не ми ги направиш како големата топка за свети толку многу,  за да не можам во неа да се пулам.

- Мошне арно чедо, ај ти фрли ги топчињата, а јас знам како ќе ги направам - му рекол Господ.

Веднаш ги грабнал Христос сите топчиња со двете раце и ги исфрлил едни надесно, други налево, едни угоре, други удолу. Сите се распрснаа по широкото небо и секое топче и топка застанале на местото кај што ги благословил Господ. Од тие топки и топчиња Господ ги благословил едни да бидат Месечина, други големи ѕвезди, а најмалите - помали ѕвезди.

Кога виде Христос оти сите топчиња му застанаа на високо и кога виде оти нема со што да си игра грабна од земјата со раце и се расфрла во ѕвездите за да ги турни, арно ама Господ и земјата што ја фрлал му ја благословил, па му се сторила ситни ѕвезди. Од таа земја била Кумовата слама.

Ете така се створил веков.

 

 

Адаптирал: Барбара Синадиноска

Ти се допаѓа статијата? Кликни “Like” и додај свој коментар:

Малите рачиња играат и плескаат
Детско катче
2
Слатки слатки песнички
Песни за најмалите
2
Зборувај ми, мила мамо
Песнички за најмалите
2
Ало, амбуланта
Песнички за најмалите
2




Анкета

Што да дознаете.
пеперутка16

Кога би носеле тројки, што би направиле?