Anonimen во 13:33
на тема Ниска Плацена
Во втората половина од бременоста може да се развие трајна состојба на покачен крвен притисок, што ја нарекуваме хипертензија индуцирана од бременоста. Таа може да се појави во неколку облици: хипертензија, прееклампсија и еклампсија. Кај најблагиот облик, хипертензија, присутен е покачен крвен притисок (140/90 mmHg) и најчесто не се присутни никакви други симптоми. Прееклампсијата освен покачен крвен притисок бележи и појава на белковини во мокрачата, отекување на лицето, рацете и нозете, или нагло зголемување на телесната тежина, главоболка, проблеми со видот, болки во горниот дел на стомакот. При еклампсија, најтешкиот облик кој е опасен по живот за мајката и бебето, доаѓа до конвулзии, кои се слични на епилептични напади (клоничко-тонични грчеви на целото тело, попратени со губење на свеста и краткотрајно запирање на дишењето).
Хипертензијата влијае на различните органи и органските состави на мајката, а посебно на кардио-васкуларниот и бубрежниот состав, црниот дроб и мозокот, тако што се можни компликации на оштетување на црниот дроб, бубрезите и крварење. Заради промените на постелката кои ги предизвикува оваа болест, детето добива помалку хранливи материи и кислород, што може да доведе до застој во неговиот развој, намалено производство на плодова вода, дистрес на детето (заради недостаток на кислород) па дури и негова смрт. Состојбата на трајно покачен крвен притисок може да доведе до абрупција на постелката (предвремено одлепување од ѕидот на материцата) што може да биде опасно по живот на детето и мајката.
Иако постојат бројни теории за настанокот на оваа болест во бременоста, вистинската причина сеуште не е детектирана, па и пристапот на болеста не е каузален, туку се настојува да се лечат симптомите. Хипертензијата се лечи со антихипертензиви, а само некои од нив можат да се користат во бременоста, бидејќи за некои е докажана нивното штетно дејство врз плодот. Се користи и магнезиум сулфат за превенција од конвулзии. Кај потешките облици се применува завршување на бременоста, по што настапува престанок на болеста. Доколку се работи за недоносена бременост, може да се направи и амниоцентеза за да се утврди степенот на зрелост на белите дробови на фетусот, а по потреба се користат лекови со кои се стимулира нивното созревање.
По породувањето крвниот притисок се враќа во нормала за неколку денови, или недели, самостојно или со помош на лекови, што зависи од тежината на болеста. Можност за појава на оваа болест во следните бремености постои, поретко доколку во претходната бременост постоел поблаг облик, а почесто при потежок облик на хипертензија.
Кај пациенти кои и пред почетокот на бременоста имале хипертензија, во бременоста може да дојде до влошување на состојбата, па заради тоа е потребен постојан надзор и терапија со антихипертензиви кои се дозволени за употреба во бременоста.
Забелешка:
Сите материјали, публикации, коментари, теми и категории, како и целата содржина на Рингераја.мк, се од информативен карактер и истите НЕ можат да заменат консултација со лекар за дијагностика и лечење. За се што е поврзано со Вашето здравје, консултирајте се со својот матичен лекар.
pumpici za izmolzuvanje
Автор: fetusce
pumpici za izmolzuvanje elektricna Lun
moite najmili
Автор: selvi
Продвижение групп ВК
Автор: prodvijenieVK
Привет! Занимаюсь раскруткой групп ВК!!
Онлайн вакансии
Автор: onlinerabota
Бизнес на дому! Проводите время в сети
moite najmili
Автор: jovanja
забава Бремените
Автор: bobik
Највисоко ниво на хигиена за вашето семејство и дом
Пролетта редовно ја дочекуваме со планови, меѓу другото, за генерално ...
Кејт Мидлтон објави дека има канцер
Принцезата од Велс (42) храбро објави дека се бори со болеста и оди на...
Детскиот хирург Симеонов доби син
Трето, па машко. Добредојде Миха. Ти ќе бидеш нашиот херој, напиша поз...
Кој стои зад успешноста на Shea Homemade?
Зад успешноста на Shea Homemade стоиме јас, мојата сестра и мојата мај...
Природен избор за мирен сон на вашите малечки
Нема ништо поскапоцено од мирен сон за нашите најмaли, кој е основа за...
Што да дознаете.
пеперутка16
Кога би носеле тројки, што би направиле?