/11 /11

Gemma Cleghorn (25) тврди дека немала поим за бременоста кога е однесена во болница под сомневање дека има внатрешно крварење заради преживеаната сообраќајна несреќа. Таа всушност добила породилни болки.

Gemma отишла 6 пати на лекар по несреќата, жалејќи се на болки во грбот и отечен стомак. Меѓутоа лекарите секој пат и велеле дека тоа е од сообраќајната несреќа.

“Секој пат кога ќе отидев на доктор, тврдеа дека симптомите кои ги имав се предизвикани од таа несреќа. Кога почувствував болки мислев дека ќе умрам од внатрешно крварење. Во болницата ми рекоа дека сум бремена и дека раѓам! Тоа беше шок за мене и за мојот дечко. Не можевме да веруваме дека тоа се случува, бидејќи бев шест пати на лекар по несреќата.”

Само неколку часа по веста дека ќе станат родители, овој пар го добил синот Александар.

Gemma раскажува: “Вистинско чудо е што ја преживеа несреќата а уште поголемо чудо е што никој од докторите не забележа дека сум бремена. На почетокот бев загрижена заради лековите кои ги земав, а не знаев дека носам дете. За среќа Александар е совршен, а јас сум пресреќна што станав мајка. Секогаш сум сакала деца, но никогаш не мислев дека ќе се случи толку брзо.”

Gemma која живее во Сандерленд тргнала за на работа во јануари оваа година кога доживеала сообраќајна несреќа во која нејзиниот автобомил е потполно уништен. Докторите и дијагностицирале повреда на вратната кичма, а имала и модрици по телото. И покрај тоа што и биле дадени лекарства против болки таа во следните месеци се чувствувала уште полошо.

“Ми рекоа дека симптомите кои ги имам се од ударот и дека заради стресот и траумата имам нередовен циклус.”

Таа почнала да добива на тежина но мислела дека е заради мирувањето по несреќата. Се до мај оваа година го посетила својот доктор шест пати заради истите симптоми.  На 23. мај Gemma почувствувала болки во стомакот, но мислела дека ќе и помине. Околу 3 часот ноќта болките станале толку силни што нејзиниот дечко повикал брза помош. Откако докторот и направил ултразвук, дознала дека очекува бебе и тоа за некој час.

Младата мајка вели -  “Кога го зедов во прегратка, мислев дека сонувам. Како може да биде мое дете? Фала Богу што нашиот син е совршен, по се' што преживеавме по несреќата. Само неколку часа пред да се роди не ми паѓаше ниту на крај на памет дека ќе станам мајка. Но се случи, а јас сум неизмерно среќна.”