/11 /11

Генералното собрание на Обединетите нации на 20.септември 1993.година донесе резолуција 47/237 со која се утврдува 15.мај како ден на семејството.

Семејството е основна единка на општеството. Заради тоа потребна му е заштита, помош и поддршка од сите членови, но и од општеството како целина. Единствено на тој начин секој поединечно може да даде придонес на заедницата во која живее. Семејството е заштитено од Обединетите нации и формално и тоа со Универзалната декларација за човекови права, Декларација за општествен напредок и развој и Конвенција за укинување на сите облици на дискриминација против жените.

Овој ден ја нагласува важноста на семејството и се одбележува на различни начини низ светот: низ програми кои се насочени кон давање поддршка на семејството, различни организирани случувања и концерти. Овој ден го одбележува секое семејство во својот дом, во природа, на омилените места.

Прославете го и Вие овој ден со своите најблиски. Потсетете се на се што Ве сплотува, што Ве радува, на се што делите и на се' што можете да направите едни за други.

Сите ние растеме со товарот на минатото. Нашите предци го вплетиле сето свое знаење во синџирот на ДНК, кој ја создава секоја клетка од нашето тело.

“Семејството е дом на срцето” (Giuseppe Mazzini)