Варење на храната при воведување на цврста исхрана
Со воведувањето на мешовита исхрана се менува и столицата на доенчето. Бојата, мирисот и изгледот зависат од храната што ќе ја изеде. Во столицата често ќе забележите и делови од несварена храна, но не треба да се грижите (детскиот систем за варење не е во потполност зрел и способен да ги свари сите состојки). По овошните каши столицата може да биде кашеста, а после зеленчук е обликувана, а посебно после месо има јак мирис. По внесувањето на тврда исхрана повеќето доенчиња имаат столица еднаш дневно, а повремено може да се појави и опстипација (затвор).

При појава на опстипација од детското мени исфрлете ги бананата, морковот и отстоените рендани јаболка. Понудете му што повеќе течности. Во случај на долготрајна опстипација немојте на своја рака да му давате лаксативи туку посоветувајте се со педијатарот. Исто така посетата на лекар е обавезна и при појава на пролив. При пролив најважно е да ја надокнадите изгубената течност (доенчето нека пие што повеќе течности) затоа што може брзо да дехидрира.

Први запчиња?

Зголеменото излачување на плунка може да биде еден од првите знаци дека на детето ќе му растат запчиња. Првите млечни запчиња никнуваат меѓу 6. и 9. месец. Отстапувањата од 4 месеци над и под границата не значат ништо посебно. Обично на девојчињата побрзо им растат заби, отколку на момчињата. Раниот или доцниот раст на забите го наследуваме исто како и обликот и квалитетот на забите. Никнувањето на забите може да биде попратено со температура, осип околу усните, црвенило на лицето или намален апетит. Ако не сте сигурни дали на Вашето дете му растат заби или е некоја болест во прашање, посоветувајте се со педијатарот.

Моето доенче
Развојни фази
Доење и дохрана
Воведување на дохрана
Здравје и нега
Спиење
Си играме