Snowhite RR
|
МОЌТА НА СВЕЖИТЕ СОКОВИ Пиењето на свежо исцедени сокови е најлесниот, најефикасниот и највкусниот начин да направите нешто добро за своето тело Свежите, неконзервирани сокови ги содржат сите аминокиселини, минерали и витамини кои му се потребни на телото за да ги храни и регенерира клетките, ткивата, нервите и органите – со минимално ангажирање на органите за варење. Овошните сокови се прочистувачи на човечкиот систем, а зеленчуковите сокови се „градители“ и регенератори. Четири до осум чаши со природен сок од овошје или зеленчук не само што ги обезбедуваат сите лековити и хранливи состојки кои досега се познати, туку и оние што научниците сЀуште не успеале да ги изолираат. Освен тоа, овие состојки ги добивате во нивната жива, органска, алкална, целосна и балансирана форма. И сигурно си велите: па, во тој случај нели може едноставно да се јаде овошје и зеленчук? Одговорот ќе го сфатите кога за прв пат ќе исцедите сок. Потребен е половина килограм моркови за една чаша сок. Можете ли толку да изедете одеднаш? Но, оваа една чаша е исполнета со концентрирани хранливи состојки кои лесно се варат и веднаш почнуваат со исцелување на телото преку хранење на крвотокот. Кога телото е ослабнато, дури и овошјето и зеленчукот можат да бидат проблем за варење. Но, за соковите не е потребно варење, па сите хранливи состојки се подготвени да влезат во крвотокот, не оптоварувајќи го на тој начин дигестивниот тракт. Најдобро е да се конзумира свеж сок, разреден со 25-50% дестилирана вода. Чистиот, свеж сок е концентриран и треба да се смета за оброк. Да сумираме. Доколку сЀуште барате причина за „цедење“, можеме да издвоиме три главни причини ж поради кои конзумирањето на свежите сокови е важно за Вашето целокупно здравје. Тие се: 1. Полесно апсорбирање на хранливите состојки од овошјето и зеленчукот. Ова е важно бидејќи голем дел од луѓето имаат некаков проблем со варењето на храната – особено поради не сосема правилната исхрана. Ваквите проблеми ја намалуваат способноста на телото да ги апсорбира сите хранливи состојки. Кога овошјето и зеленчукот се конзумираат во вид на сок, тие се во форма која брзо и лесно навлегува во организмот. 2. Конзумирање на доволно количество зеленчук и овошје. Понекогаш е тешко да се конзумира овошје или зеленчук онолку колку што му е потребно на организмот, но тие количества лесно се „голтаат“ кога се во чаша свеж сок. 3. Разновидност во исхраната. Повеќето луѓе јадат исти зеленчуци, исти салати секој ден. Со тоа се нарушува принципот на разновидност во исхраната и се зголемува ризикот за развивање на алергија од одредена храна. Но, со свежо цедените сокови можете да конзумирате повеќе видови на зеленчук и овошје отколку што обично јадете. Но, нека не Ве залажуваат пакуваните сокови во продавниците – тие воопшто не можат да се споредат со свежо исцедениот сок. Овие сокови се пастеризирани, што значи дека користените плодови од овошје или зеленчук (доколку воопшто биле користени) прво биле загреани на температура над 65 степени. Оваа процедура освен што делумно ги разложува растителните влакна, ги уништува и сите ензими или кислород. И, повеќето пакувани сокови содржат вештачки прехрамбени бои, презервативи и синтетички витамини, сол, адитиви и шеќер во форма на фруктоза, декстроза или пченкарен сируп. Дури и кога сокот купен во продавницата за здрава исхрана е навистина 100% природен, сепак и овој сок е пастеризиран. Почнете со сок од моркови, кои се основа за повеќето од коктели бидејќи се вкусни за пиење. Но, доколку имате проблеми со нивото на инсулин во крвта избегнувајте зеленчуци кои растат под земја (како на пр. морковот) – тие содржат шеќери. Истото важи и за овошните сокови. Идеалното количество за Вашата исхрана, доколку немате проблем со шеќерот, е половина килограм моркови, репка или цвекло неделно. Научниците сметаат дека овие продукти со интензивни бои обезбедуваат многу повеќе благодети од зелените продукти за кои ќе прочитате во продолжение. Сокот од морков е одличен прочистувач на крвта и „градител“ на мускули. Но, кога го комбинирате со други зеленчуци, не користете иста количина бидејќи повеќето зеленчуци не се пијат толку лесно како што лесно се пие сокот од морков. Еве што можете да додадете на сокот од морков: Цвекло – моќен прочистувач на крвта. Но, внимавајте со конзумирањето – цвеклото е многу силно, а сокот многу концентриран. Не можете да испиете повеќе од 100 мл. сок од цвекло без да почувствувате блага вртоглавица поради тоа што прочистувачките состојки премногу брзо навлегуваат во крвотокот. Одлични комбинации на морков/цвекло се: • Морков, цвекло, ѓумбир, лук • Морков, цвекло, краставица • Морков, цвекло, магданос, краставица • Морков, спанаќ, цвекло • Морков, целер, магданос, цвекло • Морков, цвекло, краставица, магданос, лук Доколку досега не сте пиеле свежо цедени зеленчуци, Ви препорачуваме да почнете со овие затоа што се вкусни и лесно се варат: • Целер • Анасон • Краставица Овие три продукти не се толку „полни“ со хранливи состојки како на пример зеленчуците со интензивни бои. Штом се навикнете на наведените продукти, можете, во сокот што ќе го правите, да додадете зеленчуци со поголема хранлива вредност, а помалку вкусни. Штом ќе се навикнете на природните сокови, можете да почнете со цедење на следниве зеленчуци: • Марула • Римска салата • Ендивија • Широколисна ендивија • Спанаќ Следен чекор се: • Зелка • Кинеска зелка Интересен факт: Сокот од свежа зелка е еден од најхранливите и најлековитите кога е во прашање лекувањето на ракот на дебелото црево, бидејќи содржи огромна количина Витамин У односно С – метилметионин. Кога ќе се чувствувате подготвени, додадете му зачини на сокот. Магданосот е одличен во разни комбинации, а исто така е и многу хранлив. На крајот пробајте ги и овие зеленчуци, но за сокот користете само по еден или два листа од нив, бидејќи се со горчлив вкус: • Кељ • Свежи листови од глуварче (млечка) • Свежи листови од синап Кога купувате кељ, потрудете се да најдете листови кои се свежи и прикачени на стебленцето. Во моментот кога листовите се кинат од стебленцето, продуктот забрзано ги губи хранливите состојки. Важно: сокот пијте го на собна температура, веднаш по цедењето. Доколку сте го складирале во фрижидер, почекајте да се стопли пред да го испиете. Сокот секогаш пијте го полека и притоа не јадете друга храна – на тој начин си обезбедувате подобра асимилација на хранливите состојки во крвотокот. Бидејќи сокот е концентрирана храна, ако го пиете со друга храна ќе навлезе во дигестивниот систем заедно со неа, а со тоа ќе се поништат хранливите состојки на сокот. Важно за варењето е и да не јадете еден час откако сте се напиле сок и да не пиете сок откако сте јаделе. Имајте на ум дека сокот од зеленчук и сокот од овошје се две сосема различни нешта кога е исхраната во прашање. Токму затоа, не комбинирајте овошје со зеленчук кога цедите сок бидејќи тие бараат различни дигестивни процеси. Но има и исклучоци: • Марулата и целерот можат да се комбинираат и со овошје и со зеленчук. • Јаболката исто така се комбинираат и со овошје и со зеленчук, а можат и да ги заменат морковите доколку сакате поблаг сок. Кога правите сок од зеленчук, како основа (80+%) земете моркови или јаболка, а останатите зеленчуци додадете ги по желба. Повеќето од овошјата се одлична комбинација, но внимавајте: • Лимони, портокали, цитрони, мандарини се мешаат единствено со такви слични овошја. • Дињи, лубеници се мешаат единствено со такви слични овошја. Најдобро е свежо исцедениот сок да го пиете наутро. За одличен вкус Доколку сакате подготвениот сок да биде повкусен, што е особено важно на почетокот, Ви предлагаме да ги вклучите овие продукти како додатоци: • Кокос: Набавете свеж цел кокос или незасладен изреднан пакуван кокос. На сокот ќе му даде одличен вкус, а освен тоа, кокосот е важен извор на масти кои ќе го избалансираат сокот. Масните киселини во кокосот се докажани по своите антивирусни, антибактериски и анти протозоални функции. Природните масти од кокос ги нормализираат телесните липиди, штитат од оштетувања на џигерот (предизвикани од алкохол) и го подобруваат имунолошкиот систем кога е во прашање борбата против воспаленија. • Боровинки: Доколку сакате боровинки, користете ги како додаток. Освен што се вкусни, боровинките имаат 5 пати поголема антиоксидантска моќ од брокулите, што значи дека штитат од рак, болести на срцето, мозочни удари. Понатаму, боровинките се полни со фитонутриенти кои помагаат при лечење на инфекции на уринарниот тракт кај жените. Но, за половина литар сок користете само 150 грама боровинки. • Лимон: Можете да додадете половина лимон (излупен). • Свеж ѓумбир: Ѓумбирот е одличен додаток доколку можете да го толерирате. Како што веќе споменавме, има неверојатни ефекти врз Вашето кардиоваскуларно здравје, штити од артериосклероза, го намалува нивото на холестерол и го спречува оксидирањето на ретките липопротеини. И за крај, неколку практични совети Испијте го исцедениот сок веднаш или внимателно складирајте го Сигурно се прашувате дали може да исцедите поголема количина овошје или зеленчук за да заштедите време, а сокот да го пиете подоцна? Тоа не е добра идеја. Свежиот сок брзо се расипува така што е најдобро веднаш да го испиете. Но, доколку внимателно го складирате, можете да го чувате дури до 24 часа. Еве како можете да го складирате свежо исцедениот сок: • Ставете го сокот во стаклена тегла која херметички се затвора. Наполнете ја теглата до врвот така што во неа да има што помалку воздух. Кислородот во воздухот го оксидира и расипува сокот. • Завиткајте ја теглата со алуминиумска фолија за да не биде изложена на светлина. Светлината го расипува сокот. • Чувајте го во фрижидер, но извадете го барем 30 минути пред да го пиете бидејќи свежо исцедениот сок најдобро е да се конзумира на собна температура. Подготвувајте го и пијте го сокот наутро, но ако сте ограничени со време, подготвувајте го кога Вам Ви одговара. Чистете го соковникот правилно Ако купите квалитетен соковник, за чистењето по цедењето ќе Ви бидат потребни отприлика 5 минути. Тоа време е навистина малку во споредба со она што го добивате од свежиот сок. Затоа, не бидете мрзеливи и не барајте изговори. Исчистете го соковникот веднаш по цедењето бидејќи остатоците можат да се засушат и потоа тешко се отстрануваат. Металното сечило на соковник најдобро се чисти со ситна четка – специјална за таа намена или пак со стара четка за заби.
_____________________________
Life is not the amount of breaths you take, it''''''''s the moments that take your breath away
|