Hopeful RR
|
Мајки, само полека и без нервози 
Многу е битно да бидете смирени и строги во однос на организација, бидејќи близнаци се сосема друго нешто во однос на едно бебе. Има неколку основни правила што се советуваат за мајки на близнаци кои значително ја олеснуваат ситуацијата, а тоа се:
- истовремено хранење. Тоа значи или истовремено цицање или АД, или буквално симултано или пак веднаш едно по друго бебе. Јас доев и давав АД од старт, така ни рекоа во болница, и ги доев до 11 месеци. Не ми успеа да ги дојам истовремено, но затоа ги темпирав еден по друг. Прво едниот цицаше па АД, па одма после тоа другиот. Ако ептен плачеа во исто време, им давав АД истовремено и скокав доење, и така се снаоѓав. После тоа си спиеја и така до следниот циклус за два до три часа. Додека да направат 3кг ги доев на барање, не гледав на час, што значи секое отворање уста и плачење/кенкање, ги доев. Потоа почнаа и поретко, но секако доаѓаше на 3 часа. Напорно е, ама мора да се синхронизира јадењето во исто време. Ова многу ги олеснува работите и за во иднина, кога ќе ви почнат со вистинска храна. Мора заедно да се јаде.
- истовремено спиење. 6 недели по раѓањето на бебињата им се развива циркадискиот ритам на телото кој им помага да разликуваат ден од ноќ, и тогаш е најдобро а се почне со ритуал за ноќно заспивање. Тоа значи да се легнуваат навечер во темна просторија, за да научат ноќ, и сабајле да се однесат на светло. Ова треба да се прави секој ден/ноќ во исто време, фиксно. Тие секако ќе спијат најголем дел од денот, но разликата ја учат уште од сега. Моите спиеја константно првите 3 месеци, после тек имаа будни периоди. За синхронизирање на спиењето, најбитно е да се заспиваат истовремено, или со мала разлика (еден ведаш после друг), и исто така и да се будат истовремено - ако се разбуди едното, одма да го разбудите и другото, за после да им се приспие во исто време. Не можам да ви опишам колку е ова битно и неопходно - ем ќе спијат заедно, ем ќе имате вие време за одмор. Ако ви спијат наизменично, тоа ќе биде многу потешко за вас.
Финта за спиење и смирување - ако се најадени и пресоблечени и пак кенкаат, може сакаат топлина и гушкање. А во однос на вашето неспиење, како да ви кажам, навикнете се што поскоро  Еве после година дена, повеќе од 4 часа сон немам сврзано. Но, се навикнува човек. Нив ги усогласив со јадење и спиење уште од старт, и јас спијам во некои измеѓу периоди. Секако откако одам на работа спијам уште помалку, но тоа е животот со близнаци
_____________________________
Обиди 2,5 години
HSG, HSC, отстранет септум, IUI x4, IVF успешно :)
2015 
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
а сега со ова неспиење незнам дали ке се поправам.
