|
ripce -> RE: Мигрена (9.2.2010 9:10:29)
|
Од главоболка страдаат сите луѓе, без разлика на годините. Најголемиот број главоболки се функционални, што значи дека се појавуваат при привремено нервно нарушување и не се поврзани со никакви органски промени во мозокот. Главоболката често е опомена што природата ја упатува бидејќи во телото се случува нешто лошо. Но вистинската болка настанува при иритација на нервните завршетоци во мускулите на рамената, вратот и главата. Постојат неколку типови главоболка, а една од нив е мигрената. Мигрената е стара и тешка болест. Во модерните услови на живот почнала да прима алармантни размери и се смета дека денес од мигрената страдаат 10 проценти од светската популација. Мигрената може да се дефинира како пароксматично заболување проследено со жестока главоболка, обично на едната страна од главата. Поврзана е со нарушување во варењето, во црниот дроб и со видот. Обично се случува кога човек е под голем ментален напор. Мигрената е позната како "главоболка со повраќање", бидејќи мачнината и повраќањето повремено се проследени со ужасна болка што трае и до три дена. Мигрената, пред да почне со нападот, обично дава извесно опоменување: црни точки или сјајна цикцак линија се појавува пред очите, или пациентот има заматен вид, или видното поле е делумно замрачено. Кога се јавува нападот, пациентот може да осети тресење, вкочанетост или слабост во рацете или нозете. Според истражувањата, тие што страдаат од мигрена се страсни работници и перфекционисти што сметаат дека мора се да биде веднаш сработено. Кога завршуваат со работа, ненадејно паѓаат од состојбата на привремената напнатост со чувство на врвно олеснување. Тогаш настапува мигрената. Тоа е чист физиолошки процес. Мускулите на главата и на вратот, реагирајќи на непрекинатиот стрес, стануваат напнати од претераната работа. Напрегнатите мускули ги стискаат артериите и го редуцираат дотокот на крв. Кога човекот нагло ќе се отпушти, стегнатите мускули се шират, ширејќи ги и ѕидовите на крвните садови. Со секое отчукување на срцето крвта се пробива низ тие крвни садови, ширејќи ги повеќе и предизвикувајќи неподнослива болка. Кога доаѓа до напад на главоболка, човекот треба во текот на денот да остане на нозе и да работи едноставни работи што не бараат преголема концентрација или да се шета на свеж воздух. Најдобар лек за спречување на главоболка е изградбата на физичката отпорност, низ исхрана што одговара, вежбање и конструктивно размислување. Како прв чекор, пациентот треба да пости. Во текот на постот може да се земаат, 6 пати дневно, сокови од цитронско овошје разредени со обична вода. Со намалување на тежината на варењето, пациентот ќе "заштеди" на нервната енергија, која може да се искористи за многу поважни работи. Крвта и лимфата исто така ќе бидат ослободени од големата тежина. Покрај краткиот пост, исхраната треба да биде умерена. Појадокот треба да се состои од овошје. Ручекот треба да е од протеински продукти - скроб, леб од цели житни зрна, целер, компир, а за вечера - салати од зеленчук. Треба да се одбегнуваат зачини, зелка, мрсни продукти. Пиење чаша со вода во која е измешана една кафена лажица мед наутро на празен стомак е добар лек.
|
|
|
|