|
mami -> Пивски квасец (10.12.2009 14:01:42)
|
НАЈДОБАР ПРИРОДЕН ИЗВОР НА ВИТАМИН Б.
За многумина пивскиот квасец е единствено познат како состојка за производство на пиво.
Денес медицината го признава како најдобар природен извор на витамините од Б комплексот, кои како такви најдобро се абсорбираат во организмот. И не само тоа.
Пивскиот квасец во себе крие богатство на супстанции корисни за организмот и тоа протеини, јагленохидрати, минерали и витамини.
Како се добива? Сувиот пивски квасец се добива при производството на пиво, преку процесот на изолација и сушeње. Тој се состои од суви клетки на квасната габа saccromiceti servisia која лесно се искористува во организмот.Се карактеризира со висока содржина на протеини и аминокиселини кои се неопходни за природен раст, развој и регенерација на ткивата и органите.
Како дејствува? Сувиот пивски квасец содржи четири основни елементи:
- Селен: го забавува стареењето на клетките
- Хром: штити од дијабетес и инфаркт
- Глутамин: ја подобрува елиминацијата на штетните материи
- Нуклеински киселини; за одржување здрави телесни клетки
Сепак најважна карактеристика на сувиот пивски квасец е неговата висока содржина на витамините од Б групата (Б1, Б2, Б6, биотин, ниацин), кои го регенерираат нервниот систем, ја подобруваат функцијата на црниот дроб и ја помагаат правилната работа на срцето. Пивскиот квасец е одличен пријател во борбата против анемијата и го подобрува имунитетот на организмот.
Позитивното делување на пивскиот квасец се забележува и во следните случаи:
- Артериосклероза
- Физичка и ментална исцрпеност
- Го подобрува апетитот посебно кај децата
- Го намалува нивото на шеќер и мастите во крвта поради што се препорачува на лица со диабетис
- Ја подобрувас дигестијата, ги одстранува мачнината и тежината во стомакот - Ја смалува напнатоста и нервозата
- Со своето природно антибиотско дејство го неутрализира штетното делување на бактериите
Пивскиот квасец во козметиката
Пивскиот квасец делува и на вашата убавина. Богатството на витамини ја храни кожата, го спречува нејзиното прекумерно сушење и го регенерира епидермот. Пивскиот квасец има и детоксификационо својство. Тој ја прави кожата здрава и сјајна, но помага и во лекување на акните, егземите, воспаленијата и инфекциите. Благодарение на извонредниот витамински состав, пивскиот квасец го подобрува квалитетот на косата и ноктите и го забрзува нивниот раст и регенерација.
Затоа велиме дека пивскиот квасец е за здравје и убавина. Освен како додаток во исхраната, од сувиот пивски квасец во правможете да направите и маска за лице која има повеќекратно позитивно дејство на кожата.
Таа се подготвува на следниот начин:
Помешајте една лажица пивски квасец со малку вода или чај од камилица и нанесете на лицето и деколтето.
Оставете ја маската да дејствува 15-20 минути и исчистете го лицето со млака вода.
Во зависност од типот на кожата можете да додадете павлака, жолчка или малку мед.
Тој е еден од најдобрите диететски суплементи кој ќе Ви помогне во борбата против анемија и слаб имунитет.
Неговата примена е мошне едноставна. Измешајте една лажица пивски квасец во прав со 250-300мл. јогурт, кисело млеко или соино млеко и засладете по желба со некој од природните засладувачи (нерафиниран кафеав шеќер Мусковадо, мед, малтекс, маџун - гроздов слад, лецимед, јаворов сируп).
Со тоа ќе добиете вкусен и здрав оброк кој ќе Ве снабди со богатство од витамини и енергија. Пивскиот квасец во прав можете да го додадете и во варива или супи.
Препорачана дневна доза изнесува 2 супени лажици за возрасни, а за деца 1 кафена лажичка Пивскиот квасец се препорачува за секого како дневен додаток во исхраната кој повеќекратно ќе ја подобри хранливоста на оброкот. Затоа секојдневното консумирање пивски квасец нека Ви биде корисна навика чии позитивни ефекти врз здравјето со сигурност нема да изостанат.
|
|
|
|