|
Maca25 -> RE: Совети за секој од нас (20.1.2011 10:23:51)
|
Места во домот на кои се таложат бактериите
Бактериите се онаму каде што можеби и не сте очекувале. Рачките на казанчињата и пешкирите не мора да бидат најопасни “одгледувачи” на опасни бактерии.
Тастерите на телефонот може да содржат и до 18 пати повеќе штетни бактерии отколку просечна рачка на казанчето, во семејства каде што се внимава на хигиената. Некои од нив можат да предизвикаат сериозни желудочни проблеми.
Експертите со помош на микробиолошка анализа на различни предмети од еден дом во Англија доаѓаат до следните резултати:
- Компјутер
Се користи од членовите на семејството по неколку часови, тастатурата ретко се чисти, а децата на него често играат. Резултатите биле незадоволителни: вкупниот број на бактерии изнесувал 33 милиони. За среќа, Ентеро бактерија и Ешерихија коли не била пронајдена, што значи членовите на семејството добро ги мијат рацете. MRSA, која обично знае да се најде на кожата, била присутна во бројка помала од 10 милиони, што е добар резултат. Сепак, нивото на присуство на габи била околу 10 милиони, што е многу големо количество.
Големото количество на бактерии и габи е последица на навиката за јадење над тастатурата. На остатоците од храната се развиваат бактерии, а ние со типкањето на тастатурата ги собираме и ги внесуваме заедно со чипсот или сендвичот доколку го јадеме кога работиме на компјутер. Следува заклучок дека не треба истовремено да се јаде и да се работи на компјутер.
- Рачка на ладилникот
Вкупниот број на бактерии 850.000 – исклучителна контаминација. Подеднакво е и со габите. Рачките на ладилниците се класични расадници на бактерии, кои може да се најдат и во најчистата кујна.
- Кадифени играчки
Често се случува кадифена играчка која ја користат различни генерации на деца никогаш да не се испере. Во овој случај, на старото мече пронајдени се незадоволителни 1.500 бактерии и висока концентрација на габи.
Кадифените играчки, посебно оние постарите, обично имаат мноштво бактерии на себе. Размислете само колку често малите деца ги гушкаат при играта, или уште полошо, при јадењето. Затоа, најдобро е ваквите играчки да се исперат.
- Телефон
На телефонот кој се употребува две години се насобрале 32.000 бактерии, што не е дозволиво според хигиенските стандарди. Најмногу микроби се наоѓаат на предмети кои што ги употребуваат повеќе лица
- Даска за режење
Се употребува скоро секој ден и се пере со детергент веднаш после употребата. Сепак, на неа се пронајдени вознемирувачки 4.200 бактерии. Затоа е потребно после употребата да се измие и со врела вода. Најдобро е кога се има посебна даска која ќе служи за сечење на сурово месо.
- Пешкири во бањата
На нив се пронајдени околу 4.000 бактерии, меѓу кои и MRSA, како и доста габи.
Идеална подлога за бактериите се влажните пешкири во бањата. А новите бактерии непрестајно пристигнуваат со рацете кои не се добро измиени. Не заборавете да ги исперете пешкирите барем на 60 Целзиусови степени.
- Прекинувач за светло во WC
Пронајдени се 1.000 бактерии, што не е задоволувачки, но е добар пример дека тоалетот има помалку бактерии отколку други места во домот. Затоа, грешат оние што го чистат секој сантиметар во WC-то или бањата, а просторот за подготовка за храна не.
|
|
|
|