|
vezilka RR -> Инвестициски фондови (15.5.2012 14:59:01)
|
Инвестициските фондови претставуваат институции за колективно инвестирање т.е професионално управувани форми на инвестирање, кои се основаат со цел здружување на парични средства од домашни и/или странски физички и/или правни лица, кои потоа се вложуваат на пазарот на капитал во најразлични хартии од вредност: акции, обврзници, записи и сл. Со собраните средства во фондот управува друштво за управување со инвестициски фондови. Имотот на инвестицискиот фонд е во сопственост на неговите членови пропорционално во однос на нивното учество во фондот и истиот е одвоен од друштвото за управување со инвестициски фондови.
Во Република Македонија работењето на Инвестициските фондови и Друштвата за управување со инвестициски фондови е регулирано со Законот за инвестициски фондови (Службен весник на РМ бр. 9/2000 и 29/2007).
Минималната дефинирана сума за уплата е 1000 денари по закон,сума која го урива митот дека за да бидеш инвеститор треба да се има голем почетен капитал.
Кога станува збор за сигурноста на парите инвестирани во фондовите, треба да се има предвид дека друштвата за управување со фондови само ги управуваат, тие не се сопственици на имотот на фондовите, бидејќи имотот припаѓа на сите оние што поседуваат удели.
Парите од инвеститорите што друштвата ги собираат и управуваат, всушност, се чуваат во депозитна банка. Тоа значи дека нема ризик парите да бидат злоупотребени или изгубени. Но, тоа не значи дека инвеститорите се заштитени од загуби како резултат на лоши инвестиции.
Вложувањето во инвестициските фондови е еден вид долгорочно штедење што може да донесе значително поголеми приноси.
Веќе подолго време размислувам за оваа работа, дали да се одлучам за класично штедење во банка или за оваа варијанта. Што мислите вие за ова? И дали имате искуство со инвестициските фондови?
|
|
|
|