|
niki -> RE: На колку години ја изгубивте невиноста? (14.7.2010 13:46:11)
|
ИЗВОРНА ПОРАКА: Bubuska
Ајде сега за се по ред.
Изгубив невиност на 18 години, после 2 месеци врска со дечко ми. Не дека се чував нешто, него пред тоа ептен не сакав врска, се ми беше забава, а пусти страв да не ме боли, барав ,,човек од доверба,,. Кога се случи тоа, не го сакав дечко ми, туку сакав секс. И не се каам, искрено мислам дека сексот е здрава работа и нема потреба од апстинирање (освен од здравствени причини).
Сега, еве гледам Ники прашува што со малолетниве. Ники, факт е дека децата имаат секс. Нема тука што, сакале родителите или не (вие скоро сите сте родители, еве јас не сум, спаѓам во категорија деца). Знаете ли што е најстрашно??
Родителите мислат дека нивните деца се прелажани за да имаат секс. Верувале или не. Еве отворете на glamstik.mk и чудете се. Јас со уште неколку девојки се обидуваме да го средиме хаосот кој владее меѓу младата популација (и не толку младата, жени од 25 години прашуваат работи за кои би требало да зборуваат со гинекологот кога прв пат ќе имаат секс), а девојчиња од 13,14 години зборуваат за орален секс, па и секс. И што е најстрашно, меѓу себе си даваат совети кои врска немаат со точност, и сето тоа е еден голем магичен круг. Не можете ни да замислите колку време и напор вложувам таму, само затоа што живееме во такво општество, каде што сексуалното образование ,,ќе ги научи децата на секс,, а учењето религија демек ќе ги заштити од несакана бременост и сифилис, не дај боже ХИВ.
Секоја чест на дечкото што тука прашал (а замислете да праша другар, и да му лупне некоја глупост, и да направат проблем од целата ситуација?). Тоа се деца кои немаат добра комуникација со родителите, срам/страв им е да прашаат. Јас секогаш отворено сум зборувала со мајка ми за секс, па не сум имала потреба да запаѓам во дилеми, до ден денес си ја прашувам ако нешто не ми е јасно (а не ми текнало гинекологот да го прашам).
Целта ми е, од мојата генерација да создадам ако ништо друго, барем сексуално освестени родители кои ќе знаат дека децата нивни имаат секс, и кои ќе остварат комуникација со истите. Вие сите сте родители, со помали или поголеми деца, немојте да заборавите дека вашите деца секако ќе имаат секс, сакале вие или не, и зборувајте со нив за тоа. Ако вие не почнете, тие па ич. И вие еднаш бевте тинејџери, и ете гледам, скоро сите сте почнале меѓу17-20 години.
Алармантно е тоа што многу млади денес користат абортус како средство за контрацепција, и уште пострашно, сексуално се активни по 4-5 години а не одат на гинеколог, затоа што им е ,,срам,,. Не дозволувајте никогаш вашите ќерки да прават вакви глупости, или да користат сода бикарбона како контрацепција, или да се тушираат спротивно од гравитацијата, или да мислат дека при секс со перница ќе останат бремени...... затоа што не сфаќаат сами, дека со коцкањето со сексуалното здравје денес, го прокоцкуваат утрешната бременост и мајчинство.
И сепак, подобро тука да прашаат, него таму каде што ќе добијат погрешен совет.
Ихихи реплика на пост стар скоро година дена, мора да се одговори[image]http://www.ringeraja.mk/forum/smileys/smiley36.gif[/image]
За се што пишуваш јас сум многу свесна што од сопствено искуство, сопствени грешки, од околината што ја гледам и целта ми е иста ко твојата, да мојата генерација родители, а и идните, бидат свесни и подобри родители, да табуата ги остават на страна и со сопствените деца да разговараат отворено и искрено за се, учејќи ги за сите прашања кои ги имаат да доаѓаат кај нив.
Доколку ова е присутно нема да има потреба од такви страници ко што наведуваш, ниту пак малолетните ќе доаѓаат на родителски форуми за совети, каков што побарал Мартин.
Грешка нема направено тој што поставил прашање тука или било каде, туку родителите негови што го дозволиле тоа (притоа не мислам дека треба да му забранат, туку да разговараат со него, да го упатат кон вистинските места за информирање, да ги однесат и него и девојчето на разговори со стручни лица, гинеколози, психолози, уролози...); и грешка гледам во нас овде што сме притрчале веднаш во помош иако немаме доволно потребни информации за неговата ситуација и занемарувајќи го фактот дека е малолетно лице кое дур не стане полнолетно е одговорност и обврска на некои родители кои ниту ги знаеме, ниту ги познаваме и не сме запознаени со нивните ставови во врска со темава.
Тинејџерите можат како намислиле да направат, посебно во услови кога никој не ги упатува и се препуштени сами на себе, но еден родителски форум не треба да биде оправдување за тоа и место каде што ќе се добие поддршката, баш затоа што овде сме прво и пред се родители или се трудиме да станеме родители и ако цел ни е за нешите деца да ги изведеме на прав пат притоа разгледувајќи ги сите можности и околности, истото треба да го правиме и за другите деца кои ќе ни се обратат за помош и совет. И секој од нас пред да даде совет треба да се праша дали е дораснат да го даде посебно кога се работи за туѓо дете, дете кое сеуште е неспособно да расудува како возрасен и на кое му треба насочување од некој кој е упатен во проблемот а и во неговиот живот.
За крај ќе употребам една фраза што ја мразев кога бев тинејџер, но: Кога ќе станеш родител ќе почнеш да ги гледаш работите и од друга перспектива и се ќе добие и една друга димензија. Имаме теми и теми, страници и страници што сме испишале колку ни пречи кога се мешаат свекрвите во одгледувањето на нашите деца, кои се нивни баби и ги сакаат, па тек да дозволиме да се меша некој од надвор, неважен за нашиот живот.
|
|
|
|