Како да одгледате среќно бебе? (Целосна верзија)

Форум >> [Бебе] >> Разговори на родители



Порака

Ikana -> Како да одгледате среќно бебе? (4.5.2012 19:44:13)

Денес се најдов соочена со прашањето, дали моето бебе е среќно? Иако постојат одредени мислења кои нагласуваат дека бебето сеуште нема развиени емоции итн...сепак сметам дека на толку рана возраст, бебето не можете да го разгалите. Исто така, се вели дека не постои среќно или тажно бебе, туку задоволно и незадоволно бебе. Еве неколку примери како да му овозможите на вашето бебе добар почеток и среќно детство:
Научете да ги читате знаците
Направете простор за забава
Помогнете му на вашето бебе да ги развие своите способности
Во здраво тело, здрав дух
Оставете ги да се соочат со проблемите
Дозволете им да бидат тажни или лути
Поставете добар пример
Научете ги како да прават значајни работи.





Ikana -> RE: Како да одгледате среќно бебе? (4.5.2012 19:58:22)

Со тоа што ќе научите да го читате да речеме плачот на вашето бебе, разликувајќи помеѓу тажно и луто бебе, ќе си заштедите многу време, а да не зборуваме за нерви. Вашето бебе е тажно кога рабовите од неговата уста се завртени надолу, а веѓите издигнати кон средината. Лутиот плач ќе го препознаете многу лесно по тоа што бебето ќе се вцрвени во лицето или ќе почне уште погласно да плаче. Тажниот плач најчесто преоѓа во лут плач кога причината за него е сеуште присутна, односно многу јак звук, јако светло или некоја околност која го плаши бебето. Брзата елиминација на истата и нежната прегратка на родителот веднаш ќе го смират бебенцето, како и задоволување на потребата поради која бебето плаче.



Ikana -> RE: Како да одгледате среќно бебе? (4.5.2012 20:03:14)

Скапата играчка или вртелешка над бебешкото креветче може да му биде интересна на вашето најмило некое време, но она што вистински ќе го усреќи е многу поедноставно...ВИЕ. Играјте си со вашето бебе, покаувајте му нови работи, оставете го да лежи на вас додека се одмара, да ја почувствува вашата топлина. Играјте едноставни игри како Авионче или Ракета (кревање и спуштање), или други со кои ќе му помогнете на вашето бебе да развие неколку моторни вештини. Огледалото е одличен начин за да го забавувате вашето бебе, бидејќи тие се раѓаат со предиспозција за преферирање на вистински лица како и разни изрази.



Ikana -> RE: Како да одгледате среќно бебе? (4.5.2012 20:06:56)

Дозволете му на вашето бебе само да совлада некоја активност, и дајте му признание за вложениот труд. Така ќе научи дека има контрола врз својот живот, односно ако проба нешто да направи, евентуално ќе успее. Наградете го со топла прегратка и бодрете го секој пат кога ќе се обиде да направи нешто ново.



Ikana -> RE: Како да одгледате среќно бебе? (4.5.2012 20:14:30)

Како и возрасните, и бебињата се чувствуваат поубаво кога се чисти, имаат доволно простор за своите потреби и активности, и се најадени. Сепак одредена храна или состојки во храната моќе да предизвикаат разлина реакција кај вашето бебе. Ако приметите дека вашето бебе реагира негативно по јадењето, оставете го и пробајте да го нахраните подоцна. Ако има некоја физичка реакција, веднаш консултирајте се со вашиот педијатар. До 6 месеци, не е можно да го разгалите вашето бебе со тоа што ќе му ја задоволувате секоја негова потреба. Сепак подоцна не е препорачливо да притрчувате за обично икање, бидејќи му одземате важна можност за да научи нешто. Ова е најчестата грешка што грижливите родители ја прават, а тоа е секогаш да ги пораваат работите или да го усреќуваат своето бебе на секој можен начин. Експертите препорачуваат да не се обидувате да го постигнете тоа бидејќи не е реално. Оставете го бебето да искуси некои емоции, и што е најважно, оставете го само да го совлада и да се справи со нив.



Ikana -> RE: Како да одгледате среќно бебе? (4.5.2012 20:36:04)

Бебињата, како и децата треба да знаат дека е во ред да се чувствуваат лути или тажни понекогаш, тоа е едноставно дел од животот. И ако се обидеме да ги истераме тие чувства, би праќале многу погрешна порака, што кај детето или бебето би била сфатена дека е погрешно или лошо да се чувствуваме тажни или несреќни. Треба да им дозволиме да ги искусат своите емоции, вклучувајќи ја и тагата.



Ikana -> RE: Како да одгледате среќно бебе? (4.5.2012 20:50:51)

Сепак, најважно е да останете смирени. Вашето бебе е на некој начин мало човече и многу брзо може да почне да го имитира вашето емоционално однесување, како и да осети дали сте нервозни, под стрес или опуштени и среќни. Со други зборови, кога вие се смеете и вашето бебе се смее. Слично на ова, ако имате бебе кое пати од грчеви и кое плаче со часови, најдобриот начин да се справите со него е да останете смирени , бидејќи бебињата можат да го насетат стресот. Со нов член во фамилијата, нормално е да се чувствувате уморни и изгубени, но ако мислите дека цело време сте под стрес, веднаш побарајте помош.

Како што вашето бебе расте, можете да го научите колку е убаво да им помага на другите. Истражувањата покажуваат дека луѓето кои имаат значење во својот живот поретко се чувствуваат тажни. Почнете уште од најрана возраст, од 10 месеци, со тоа што кога ќе го раните бебето, дозволете му и тоа да ви даде едно залче од храната. Покажете му како неговиот гест на великодушност направил да се почувствувате. Овие мали моменти може да помогнат во негувањето на добри навики како и чувството дека вашето бебе има придонес во вашиот живот.

Информациите во овој текст се извадени од неколку други текстови, и доколку сакате га ги видите оригиналните, Ве молам контактирајте ме по приватна порака, бидејќи не смеам тука линк да ставам.




stela -> RE: Како да одгледате среќно бебе? (4.5.2012 23:48:44)

BOdlicni soveti Ikana, se soglasuvam so site i gi primenuvam. Obozavam koga moeto dete e srekno i zadovilno i koga znam deka sum na vistinskiot pat:))



ivoni4ka -> RE: Како да одгледате среќно бебе? (5.5.2012 11:51:28)

[sm=bravo.gif] ikana



Ikana -> RE: Како да одгледате среќно бебе? (5.5.2012 13:13:32)

Јас многу пати сум се осетила исфрустрирана бидејќи бебето плаче или бебето не сака да јаде, како што е сега случајот. Сепак сите викаат дека најубаво е да се остане смирен и да му дозволиме на бебето да биде такво како што е. Едноставно работите не можеме секогаш да ги истераме по некој рецепт, мислам со милениче не можете тоа да го направите, па камоли со дете. Мора уште од најрана возраст да ги оставиме да се развиваат во самостојни личности, правејќи ги на тој начин независни и смирени. Многу од вас ќе речат дека е смешно на тој начин да се гледа на бебе, но верувајте, тие се мали луѓе, само што не знаат да ги вербализираат своите потреби.



Fiao -> RE: Како да одгледате среќно бебе? (27.6.2012 10:14:25)

Apsolutno se soglasuvam! Sozdavanjeto na karakterot na bebeto pocnuva od prviot den (ili pak naseto spoznavanje na negoviot karakter). Mislam deka za srekjata i zadovolstvoto na decata najvazno e da im bide posveteno dovolno vnimanie no i da se ostavi prostor da bidat samite tie posebna licnost od nas. Za mene srekjno dete e ona na koe mu e posoceno dobroto i losoto a sepak izborot ke bide licno negov. Mislam deka totalno e pogresen pristap ako se obidete nesto da mu nametnete.
ИЗВОРНА ПОРАКА: Ikana

Јас многу пати сум се осетила исфрустрирана бидејќи бебето плаче или бебето не сака да јаде, како што е сега случајот. Сепак сите викаат дека најубаво е да се остане смирен и да му дозволиме на бебето да биде такво како што е. Едноставно работите не можеме секогаш да ги истераме по некој рецепт, мислам со милениче не можете тоа да го направите, па камоли со дете. Мора уште од најрана возраст да ги оставиме да се развиваат во самостојни личности, правејќи ги на тој начин независни и смирени. Многу од вас ќе речат дека е смешно на тој начин да се гледа на бебе, но верувајте, тие се мали луѓе, само што не знаат да ги вербализираат своите потреби.




Страница: [1]