|
AnnaMolly RR -> Транссексуалност (29.1.2012 15:30:55)
|
Транссексуалец/ка е личност која чувствува, верува дека е заробен/а во тело на спротивниот пол и има намера да преземе чекори за да започне да живее во склад со својот родов идентитет. Оваа состојба уште е позната како gender dysphoria, што значи незадоволство поради својот биолошки пол. Транссексуалците се кандидати за операцијата за промена на полот која започна со случајот на Кристин Џоргенсон.
Постојат два вида на транссексуалци: машко-кон-женско (МкЖ), кои имаат машко тело, но чувстуваат дека се жени (male-to-female transsexuals) и женско-кон-машко (ЖкМ), кои имаат женско тело, но чувстуваат дека се мажи (female-to-male transsexuals).
Имајќи ја предвид разликата помеѓу полот и сопственото доживување на полот, важно е да се забележи дека транссексуалноста не е проблем на сексуално однесување, туку на полот и родовиот идентитет. Тоа значи дека транссексуалната личност не е преокупирана со некој посебен вид на сексуално однесување, туку со желбата да биде женско ако е нејзиното тело машко, или обратно.
Овие личности се решаваат за операција за промена на полот којашто започнува со многу внимателно советување и психијатриско проценување. Следниот чекор е хормонална терапија.
Следната фаза е "тестирање во вистинскиот живот" кога од личноста се бара да живее како член на новиот пол во период од една до две години. Ова се прави за да се провери дали е личноста во можност да се прилагоди на улогите на новиот пол, а последниот чекор е самата операција.
На мажите им се отстранува пенисот, од неговата кожа се формираат вагинални усни и се вградува вештачка вагина длабока 15-20 сантиметри. Можат да бидат направени и други козметички операции, како што е фацијална феминизација и реконструкција во пределот на вратот, за да се отстрани видливото Адамово јаболко, а се прави и операција на гласните жици за да се добие посакуваниот женски глас.
Операцијата од женски кон машки пол е многу посложена и генерално многу помалку успешна и за неа има две опции.
Првата е соослободување на клиторисот и негова реконструкција за да се добие пенис којшто е целосно функционален, а може и да се продолжи мочниот канал за да се уринира од стоечка положба.
Со втората опција се прави вештачки пенис и тестиси коишто немаат никаква функција. Во некои случаи се вградува крута силиконска гума или друго помагало, така што пенисот може да влегува во вагината и на тој начин се овозможува сексуален однос.
Дефинитивната причина за транссексуалноста не е позната. Едно од мислењата е дека е можеби долг од некое пренатално изложување на хормони од погрешен пол, што предизвикало поинаква мозочна диференцијација.
|
|
|
|