|
Bogdancanka -> RE: Солариум - да или не? (7.12.2009 23:01:01)
|
ДОКТОРИТЕ СО ИНИЦИЈАТИВА ДА СЕ ЗАБРАНАТ СОЛАРИУМИТЕ
Да се забранат солариумите
Кожните доктори велат дека сончањето во солариуми може да доведе до појава на најтешкиот рак на кожата - меланом, кој во 98 отсто од случаите завршува со смрт. Сончањето во солариум доведува до предвремено стареење на кожата, таа веќе не е свежа и ел
[image]http://star.vest.com.mk/images/%7BB1262938-8A91-43B5-AEEA-4885A3DB278B%7D_solarium-2.jpg[/image] Ретко која девојка барем еднаш не била на солариум. Вештачкото сончање последниве години е тренд. Козметичките салони, посебно со доаѓањето на летото, се преполни со девојки кои сакаат да добијат чоколадна боја на кожата, сметајќи дека така се поубави, подобро им стојат кратките летни фустанчиња, мини-здолништа и разголените блузи. Цените кои ги нудат салоните за еден третман се релативно ниски, и тоа е дополнителна причина за масовната посета на солариумите. Но ретко која од девојките што се кварцаат знае за штетноста од вештачкото сончање. Кожните доктори велат дека сончањето во солариуми може да биде кобно за животот, односно да доведе до појава на најтешкиот рак на кожата - меланом, кој во 98 отсто од случаите завршува со смртност. Затоа дел од нив сметаат дека солариумите треба да се забранат со закон.
"Страшно е ова што се случува денес со масовната посета на солариумите. Кај народот не постои свест за опасноста од зрачењето во солариум. Секојдневно сме бомбардирани со реклами по телевизиите за турбо солариуми, но никој од газдите на козметичките салони не им кажува на девојките за штетноста од нив", вели директорот на Кожната клиника Небојша Пешиќ.
Тој објаснува дека ламбите кои се поставени во апаратите за потемнување зрачат УВА-зраци. На овие УВА-зраци направени се испитувања и, поради степенот на штетно влијание врз клетките на човековото тело, за нив се
почесто се употребува терминот УВА-радијација.
"Тоа што светски експерти солариумското зрачење го нарекуваат радијациско, докажува колку се тие штетни. Апсурдно е тоа што девојките одат на солариум да се разубават, а, всушност, тој ги огрдува. Сончањето во солариум доведува до предвремено стареење на кожата, таа веќе не е свежа и еластична туку сува и опуштена, па затоа жените после одат и на лифтинзи за затегнување на кожата. Од солариумите се појавуваат и проширени капилари, пеги по целото тело, а се оштетува и видот", вели доктор Пешиќ.
Според него, најстрашната болест која се јавува како резултат на сончањето во солариуми е појавата на кожниот карцином меланом. За лекување на оваа болест, доколку се открие во доцна фаза, не постои лек, па затоа речиси 98 отсто од случаите завршуваат со смртност.
Токму поради штетноста на солариумите и несвесноста на граѓаните за нивните лоши ефекти, доктор Пешиќ, заедно со уште неколку доктори од Кожната клиника сакаат да поведат иницијатива за забрана на постоење на солариуми во козметиките салони.
"Во неколку држави во Америка солариумите се забранети со закон. Јас сметам дека тоа треба да се направи и кај нас, но знам дека тешко ќе се изведе. Ако тоа не може да се направи, тогаш треба да постои регулатива според која може да работат солариумите. Во секој салон треба да работи доктор кој ќе и ги каже сите штетни ефекти на девојката пред да реши таа да се сонча. Потоа ќе одреди кој тип кожа има, со што ќе се знае како на неа влијае вештачкото сончање. Ако има тип на кожа 1 или 2, џабе и е сончање. Таа кожа тешко потемнува и девојката треба да се отепа од одење по солариуми за да ја добие посакуваната боја. А сето тоа доведува до потенцијална можност за добивање рак. Задолжително при влегувањето на солариум треба да се стави заштитен фактор на телото, но девојките тоа не ги прават поради желбата што побрзо да потемнат", објаснува доктор Пешиќ.
Со цел да видат како работат солариумите, доктор Пешиќ и уште неколку доктори од кожната клиника биле во контрола на козметичките салони кои имаат вакви апарати. Се сретнале со тотално нестручен кадар, кој воопшто не знае како работат и како дејствуваат апаратите врз младите девојки.
"Повеќето од нив не ни беа заинтересирани колку време девојките ќе се сончаат во солариумите. Разговарав со едно девојче кое го правеше вториот третман, и го прашав зошто и колку време се сончаше. Тоа се насмеа и ми рече дека газдарицата му рекла само да си го вклучи апаратот и девојчето си го наместила на 15 минути за да добие побрзо темна боја. Во салоните забележавме и девојчиња од 13 до 14 години, а тоа е ужасно. Никако не смее да им се дозволи на девојчиња под 18 години да се сончаат во солариуми", раскажува доктор Пешиќ.
Според докторите, лошо е тоа што кај нас народот не знае за доста. Ретко која девојка оди на солариум само неколку пати во годината за да добие малку потемна боја на кожата. Речиси сите се сончаат во текот на целата година, а тоа доведува до можност, по неколку години, да заболат од рак на кожа.
"Кај мене доаѓале пациентки, меѓу кои и познати личности, кои во текот на целата година одат на солариум и се ќумур црни. Јас ги предупредувам и им објаснувам дека со таквото темпо има големи шанси да добијат рак на кожа, ама џабе. Тие си тераат по свое, сакале да бидат како чоколади. Да, ама ние не сме поднебје со чоколадна боја на кожата и ако сакаме нешто вештачки да добиеме, за тоа ќе мора да платиме, а во случајот тоа може да го платиме и со живот", вели доктор Пешиќ.
Според него, соначањето во солариумите не може ни од далеку да се спореди со природното сончање, но вели дека и надвор од солариумите сонцето треба да се избегнува. И природното сончање ја гори кожата, па затоа Пешиќ препорачува луѓето да не се изложуваат на сонце во периодот од 11 до 16 часот, а на солариум и да не помислуваат.
Ана Антевска
***
За козметичките салони солариумите не се штетни
Во козметичките салони во кои се јавивме за да прашаме дали тие знаат за степенот на штетност на солариумите и дали за тоа ги предупредуваат муштериите, не сакаа многу да разговараат на оваа тема. Сите кратко ни одговараа дека нивните апарати за сончање не се штетни бидејќи девојките во нив лежат само 2 минути и оти неколку третмани годишно не можат штетно да влијаат на кожата. Во козметичките салони ни тврдеа дека досега немале ниту еден случај некоја од девојките да добие изгореници или алергија по телото од сончањето во солариумите.
***
Годишно 100 лица заболуваат од рак на кожа
Во Македонија бројот на лица кои заболуваат од рак на кожа во текот на една година се движи од 70 до 100. Голем број од овие случаи се регистрирани во доцна фаза, кога веќе нема лек за лекување на болеста. Докторите велат дека очекуваат оваа бројка во иднина да расте бидејќи ракот на кожа се јавува после неколку години од изложувањето на сончевите или зраците од солариум. Со оглед дека последниве неколку години масовно се оди на солариум, докторите очекуваат тоа за неколку години да доведе да зголемен број заболени од рак на кожа.
***
|
|
|
|